
ركبت العربية، ندى قعدت جنب ابويا، قبل ما ادور العربية بصيت في المراية، كان فيه عربية سودا واقفة بعيد وزجاجها غامق.
قلت: شايفة العربية دي؟
ندى بصت: اه.
ممكن تكون صدفة.
دورت العربية، العربية السودا اتحركت ورانا، مشيت بسرعة ولفيت من شارع لشارع ولسه ورانا.
ندى قالت: هو ده.
مين؟
مش عارفة، بس متروحش البيت.
طب فين؟
عندي مكان.
وصلنا بعد حوالي نص ساعة لمنطقة شعبية، ندى قالت اركن هنا.
نزلنا، شلت ابويا ودخلنا عمارة قديمة طلعنا الدور التالت، فتحت باب شقة صغيرة.
الشقة بسيطة جدا، اوضة وصالة ومطبخ، لكن كان واضح ان حد عايش فيها من فترة.
قلت: دي شقتك؟
اه، من بعد ما طلعت من بيتك.
حسيت بوخزة، كنت فاكرها بعد الطلاق عاشت مع اهلها.
حطينا ابويا على السرير وندى غطته، بصيت على الحيطة كان فيه صور قليلة، صورة لندى مع امها وصورة قديمة لينا احنا الاتنين واحنا مبتسمين.
مسكت الصورة، ندى خرجت من المطبخ وقالت سيبها، رجعتها مكانها.
انتي لسه محتفظة بيها؟
كنت هرميها كتير.
ورميتيها؟
لا، عشان كنت كل مرة افتكر ان الشخص اللي في الصورة مش هو نفس الراجل اللي مشاني من البيت.
ما لقيتش رد.
في نص الليل ابويا فاق، قعدت جنبه: يا بابا انا هنا.
حرك ايده وطلع صوت ضعيف: ص… ص…
ندى قربت وقالت يمكن عايز يقول اسم، ابويا حاول تاني: س… سام…
قلت: سامح؟ هز راسه لا، ندى قالت سامر؟ هز راسه وكان متوتر.
اخدت ورقة وقلم وقلتله اكتب، مسك القلم بصعوبة وايده بتترعش، كتب حرف م وبعدين ر وبعدين و.
ندى بصتلي: مروان؟ ابويا هز راسه بسرعة نعم.
قلت مين مروان؟ ابويا كتب: مروان الشاهد.
ندى وشها اتغير وقالت انا اعرف الاسم، كان موظف في الشركة وفينه؟ اختفى من يوم مشكلة الفلوس، قالوا انه سافر، ابويا هز راسه لا وكتب مش سافر.
في اللحظة دي جرس الباب رن مرة واتنين وتلاتة، ندى بصتلي وقالت متفتحش، قربت من الباب: مين؟ مفيش رد وبعدين صوت راجل: انا يا ندى.
ندى تجمدت، قلت مين؟ قالت مروان.
فتحنا الباب بحذر، دخل راجل في اواخر الاربعينات هدومه مبلولة ووشه مرهق، واول ما شاف ابويا دموعه نزلت وقرب منه: الحمد لله انك لسه عايش يا حاج فاروق.
انا وقفت قدامه: انت مروان؟ قال اه، قلت ابوك كان عايز يقول انك شاهد؟ بصلي وقال انا مش شاهد يا علي انا السبب.
اتجمدت: سبب ايه؟ قعد وحط ايده على وشه وقال انا اللي ساعدت مريم وحسام في اول خطوة.
ندى شهقت، قربت منه: انت بتقول ايه؟ قال كنت مديون وزورت اوراق، الاوراق اللي خلتك تصدق ان ندى خدت الفلوس.
حسيت ان الدنيا اسودت قدامي، بصيت لندى وهي واقفة مكانها ولا قالت كلمة.
مروان كمل: بس انا ما كنتش اعرف ان الموضوع هيوصل لكده، كنت فاكرها فلوس وبس.
انت بتتكلم عن ايه؟
مريم وحسام ما كانوش بيسرقوا من شركتك عشان يعيشوا، كانوا عايزين ياخدوا الشركة كلها.
ضحكت بمرارة: ده مستحيل الشركة باسمي، قال دلوقتي اه.
يعني ايه دلوقتي؟
مروان سكت، ندى قالت قول له.
قبل ما تطلق ندى باسبوع، مريم خلتك توقع على مجموعة اوراق، كنت فاكرها تعديلات ضريبية وتجديد عقود.
ايه الاوراق دي؟
تفويضات ادارة وبيع اصول، لو حصل لك اي ظرف قانوني مريم كان عندها صلاحية تتصرف في جزء كبير من ممتلكاتك.
بصيت لندى: يعني اتهامي ليكي كان جزء من الخطة؟ مروان قال مش بس جزء، كان اهم جزء.
جلست على الكرسي، كل حاجة بدأت تركب، التحويلات والتقارير ومريم وحسام وندى وابويا.
لكن سؤال واحد فضل في دماغي: طيب ليه ابويا؟
مروان بص لابويا: عشان الحاج فاروق اكتشف كل حاجة بعد ما شاف ورقة التفويض وهددهم انه هيبلغ عنهم.
وهنا بدأت المشكلة.
قلت يا بابا حسام عمل لك ايه؟ ابويا بصلي وبعدين كتب على الورقة: مش حسام، بصيت لمروان، مروان وشه اصفر.
ابويا كتب: اللي فوق حسام.
سكتنا كلنا، مين اللي فوق حسام؟ ابويا حاول يكتب ايده ارتعشت والقلم وقع، قربت منه: يا بابا قول لي.
رفع عينه وبصلي مباشرة وبصوت ضعيف جدا لاول مرة من سنين خرجت منه كلمة واضحة: علي… قال اهرب.
اتجمدت: اهرب من مين؟ ابويا حاول يتكلم لكن قبل ما يكمل النور قطع والشقة غرقت في الضلمة، سمعنا صوت خبط جامد بره وزجاج بيتكسر، ندى قالت بصوت واطي انزلوا على الارض بسرعة.
سمعنا صوت رزع قوي على الحيطة فوق السرير مباشرة، ابويا وقع على الارض، صرخت بابا! ندى شدتني وقالت متطلعش اللي بره مستنيك تظهر!
مروان زحف ناحية الشباك وبص من تحت الستارة ورجع وهو بيهمس في اتنين تحت.
شرطة؟
لا، واحد منهم شكله مش طبيعي.
ندى قالت في باب خلفي من المطبخ، شلت ابويا، زحفنا ناحية المطبخ وفجأة سمعنا صوت الباب الرئيسي بيتكسر والرجالة دخلوا، صوت صرخ من الصالة: علي! الصوت كان مألوف جسمي كله تجمد، ندى بصتلي مين؟ قلت وانا مش مصدق: مريم.
دخلنا المطبخ، ندى فتحت باب صغير ورا دولاب كان فيه سلم ضيق، نزلنا بسرعة مروان قدامنا وندى ورايا وانا شايل ابويا، صوت خطوات الرجالة كان بيقرب.
وصلنا للدور الارضي وخرجنا من باب خلفي والمطر رجع ينزل، جرينا ودخلنا زقاق ضيق، بعد حوالي مية متر وقفنا، ابويا كان بيتنفس بصعوبة.
ندى قالت لازم مستشفى، مروان قال في مستشفى اعرف دكتور فيها امين في حلوان.
ركبنا عربية مروان القديمة، طول الطريق كنت ساكت.
بعد نص ساعة وصلنا، الدكتور استقبلنا في اوضة صغيرة وفحص ابويا وبعدها قال الحالة محتاجة رعاية ومتابعة، قلت هتعيش؟ بصلي وقال لو اتلحق عليه كويس اه.
قعدت بره، ندى خرجت بعدي وقعدت جنبي، سألتها انتي ليه عملتي كل ده؟ قالت عشان كان ابوك، قلت بس بعد اللي عملته فيكي؟ قالت هو ما عملليش حاجة انا اللي عملت، قلت انا ظلمتك، قالت اه.
سكت، دمعة نزلت مني قلت انا اسف، ردت الاسف مش هيجيب التلت سنين اللي راحوا، قلت عارف ومش هيصلح كل حاجة، قالت عارف بس ممكن يبقى بداية انك تعرف الحقيقة كاملة الاول.
بعد ساعة الدكتور خرج وقال والدك استقر، دخلت، ابويا كان نايم، قعدت جنبه ومسكت ايده وقلت انا مش هسيبك، فتح عينه وحرك صباعه وحطيت الورقة والقلم قدامه، كتب بصعوبة: اسأل مريم عن امك.
قرأت الجملة مرتين، قلبي وقف، امي؟ امي ماتت وانا عندي سبعتاشر سنة، ايه علاقة امي بكل ده؟
رجعت بصيت لابويا: ماما؟ هز راسه، ماما كانت تعرف؟ هز راسه نعم، كتب: هي بدأت كل حاجة.
سقط القلم من ايده، دخلت ندى بسرعة: في ايه؟ بصيت لها ابويا بيقول ان امي كانت عارفة




