فتحت الرسالة التانية وأنا حاسس إن صوابعي تلج رغم إن جسمي كله كان مولع من الغضب الرسالة كانت متبعتة قبل اللي حصل بحوالي نص ساعة “نجلاء لو كريم نزل قبل ما تخلصي الموضوع ابقي اتصرفي بسرعة وماتخليش سلمى تخرج من البيت” قريت الرسالة مرتين وتلاتة وأنا مش قادر أستوعب
رفعت عيني لمنى وقلت بصوت مخنوق
يعني إيه ماتخليش بنتي تخرج من البيت؟
منى ما ردتش بسرعة
قالتلي بهدوء
كريم إنت محتاج تاخد نفس وتفتكر إن الرسالة دي مهمة جدا بس لازم نعرف المقصود منها إيه
ضحكت ضحكة قصيرة من كتر الصدمة
المقصود إيه؟
بنتي في الطوارئ بسبب طاسة سخنة اترمت في وشها وأمي بتقول لأختي ماتخليش بنتي تخرج من البيت وإنتي عايزاني أدور على المقصود؟
في اللحظة دي باب غرفة الطوارئ اتفتح والدكتور خرج
قربت منه بسرعة
بنتي عاملة إيه؟
قال
حالياً مستقرة لكن لسه محتاجين نتابعها كويس الساعات الجاية مهمة
قلتله
ممكن أشوفها؟
هز راسه
دقايق بس ومن غير ما تحركها
دخلت عند سلمى
كانت نايمة ووشها متغطي جزئياً بالشاش وأسلاك الأجهزة حوالين جسمها الصغير
وقفت جنبها وحطيت إيدي على إيدها
وقلتلها وأنا بحاول أمنع دموعي
بابا هنا يا سلمى
أنا مش هسيبك
حتى لو الدنيا كلها وقفت ضدي مش هسيبك
وفجأة صوابعها اتحركت حركة بسيطة
قربت منها أكتر
سلمى
فتحت عينيها ثواني وبصتلي
وبصوت ضعيف جدا قالت
بابا
أنا هنا يا حبيبتي
قالت كلمة واحدة خلت الدم يتجمد في عروقي
ليلى قالتلي ما أقعدش هنا
سألتها
ليلى قالتلك إيه؟
لكن عينيها قفلت تاني قبل ما تقدر تكمل
خرجت من عندها وأنا حاسس إن في حاجة غلط
مش مجرد خناقة على كرسي
مش مجرد عصبية من أختي
كان في حاجة حصلت قبل ما أطلع فوق وأنا ما كنتش عارفها
طلعت الموبايل واتصلت بأمي
ردت من أول رنة
قالت
كريم حبيبي إنت فين؟
قلت
أنا في المستشفى
سكتت
قلت
سلمى قالتلي إن ليلى قالتلها ما تقعدش في المكان ده
ردت بسرعة
الأطفال بيهزروا يا كريم
قلت
طب قوليلي إنتي كنتي عايزة نجلاء تتصرف مع سلمى ليه؟
فضلت ساكتة
قلت
أنا شفت رسالتك
صوتها اتغير
رسالة إيه؟
قلت
الرسالة اللي قلتي فيها لنجلاء ماتخليش سلمى تخرج من البيت
قالت بسرعة
إنت فاهم غلط
قلت
أمال أفهم صح
قالت
كريم تعالى البيت ونتكلم
ضحكت بمرارة
أنا مش راجع البيت
قالت بصوت مرتجف
لازم ترجع
قلت
ليه؟
سكتت كام ثانية
وبعدين قالت
عشان أبوك عرف إنك فتحت الدولاب اللي في أوضة المكتب
اتجمدت مكاني
قلت
إيه اللي في الدولاب؟
قالت
كريم ماتفتحوش
قفلت المكالمة
وقفت قدام باب الطوارئ وأنا بحاول أستوعب اللي سمعته
الدولاب ده أنا عمري ما قربت منه
كان دايماً مقفول والمفتاح مع أبويا
