الدكتور وقف قدامي وسكت كام ثانية كأنه بيحاول يختار كلامه بعناية وأنا قلبي بدأ يدق بسرعة وقلتله هو في إيه يا دكتور؟ الولاد كويسين؟! بصلي وقال بسرعة أيوه الحمد لله الولاد التلاتة كويسين ومفيش حاجة تقلق بس في حاجة حصلت أثناء الولادة لازم تعرفها حسيت إن نشف في عروقي وقربت منه وقلتله حصل إيه في سارة؟! قاللي سارة الحمد لله مستقرة بس الولادة كانت صعبة جدًا وخسرت كتير وإحنا لحقناها في الوقت المناسب
بصيت من وراه ناحية أوضة العمليات وأنا حاسس إن الفرحة اللي كانت مالية قلبي من شوية اتحولت قاللي دلوقتي أيوه كويسة بس محتاجة تفضل تحت الملاحظة عليها أي مجهودتنفست الصعداء وحمدت ربنا وقولتله طب والولاد؟
ابتسم وقاللي الولاد بخير وكل واحد فيهم وزنه كويس وحالتهم مستقرة بس عشان هما تلاتة هنخليهم تحت المراقبة شوية زيادة
دخلت عند سارة وقعدت جنبها وأنا ماسك إيدها ولقيتها بتبصلي بعينين مليانين وقالتلي أحمد أنا لسه مش مصدقة إن عندنا تلات ولاد
ضحكت وأنا دموعي نزلت وقلت لها وأنا كمان مش مصدق يا سارة ده إحنا استنينا تمن سنين وربنا عوضنا مرة واحدة
بصتلي وقالتلي نفسي أشوفهم
قلت لها هتشوفيهم حالًا
وفعلًا بعد شوية دخلت الممرضة وهي شايلة أول طفل وحطته جنبها وبعده جابت التاني والتالت وساعتها سارة فضلت تبص لهم وهي من الفرحة
قالتلي بصوت من التعب يا أحمد
مسكت إيدها وقلت لها نسميهم مع بعض
ضحكت وقالتلي لا أنا عايزاك تختار
قعدت أفكر لحظات وبعدها قلت لها الأول اسمه يوسف والتاني عمر والتالت ياسين
ابتسمت وقالتلي أسماء حلوة أوي
لكن قبل ما ألحق أفرح أكتر الباب اتفتح مرة واحدة ودخلت ممرضة بسرعة وهي باصة للدكتور بقلق وقالتله معلش يا دكتور لازم حضرتك تيجي معايا حالًا
الدكتور خرج معاها وأنا بصيت لسارة باستغراب
بعد ثواني سمعت صوت الممرضة من بره وهي بتقول للدكتور بصوت واطي بس أنا سمعته بوضوح
التحليل اللي وصل دلوقتي مش طبيعي…
بصيت لسارة ولقيتها بتبصلي وهي مش فاهمة حاجة وأنا لأول مرة من لحظة ما عرفت إني بقيت أب حسيت إن الفرحة ممكن تتحول لكابوس في لحظة واحدة…
خرجت من أوضة سارة وأنا مش قادر أستحمل أكتر وقفت قدام الدكتور وقلتله بصوت متوتر هو في إيه بالظبط يا دكتور؟ التحليل بتاع مين؟
الدكتور بصلي شوية وبعدين قاللي تحليل الولاد
حسيت قلبي وقع في رجلي وقلتله يعني إيه؟ واحد فيهم تعبان؟
هز راسه وقاللي إحنا مش عايزين نستعجل في بس في نتيجة ظهرت محتاجة تتراجع تاني
قلتله طب قولي بصراحة في إيه؟
قاللي واحد من التلاتة عنده علامة في التحليل مش موجودة عند الاتنين التانيين وده خلانا نطلب فحوصات إضافية
قلتله يعني ابني ؟
رد بسرعة وقاللي لسه ما نقدرش نقول كده لحد ما الفحوصات تخلص
رجعت لسارة وأنا بحاول أخبي عنها خوفي لكنها أول ما شافت وشي فهمت إن في حاجة
قالتلي أحمد إنت مخبي عليا إيه؟
قعدت جنبها ومسكت إيدها وقلت لها مفيش حاجة مؤكدة يا حبيبتي الدكتور بس طلب فحوصات زيادة
قالتلي فحوصات لمين؟
سكت لحظة وبعدين قلتلها للولاد
سارة نزلت وقالتلي أنا لسه شايفاهم من شوية يا أحمد تقولي إن واحد فيهم فيه حاجة
وقلت لها محدش عارف حاجة لسه وربنا كريم
وبعد حوالي ساعة رجع الدكتور ومعاه ملف في إيده وكان شكله المرة دي من الأول
بصلي وقاللي يا أحمد محتاج منك تفضل هادي وتسمعني للآخر
قلتله اتفضل
قاللي الفحوصات الأولية اتراجعت والنتيجة فعلاً محتاجة تفسير أدق وعشان كده بعتنا العينة لمعمل متخصص
قلتله وإمتى النتيجة؟
قاللي غالبًا بكرة
اتنهدت وقلتله يعني هنستنى لحد بكرة؟
قاللي أيوه وده أحسن قرار عشان ما نظلمش نفسنا ولا الطفل بأي استنتاج غلط
رجعت سارة ولقيتها نايمة من التعب والتلاتة نايمين جنب بعض في
قربت منهم وبصيت لوشوشهم الصغيرة وحسيت إن الدنيا كلها سكتت حواليّ
مديت إيدي على إزاز وقلت بصوت واطي يا رب ما تحرمنيش من ولا واحد فيهم
وفجأة تليفوني رن
كانت أمي
رديت وأنا بحاول أضحك وقلت لها أيوه يا أمي
قالتلي صوتك غريب يا أحمد في إيه؟
قلت لها مفيش يا أمي الحمد لله سارة والولاد كويسين
سكتت شوية وبعدين قالتلي أنا لازم أقولك حاجة
قلت لها قولي
قالتلي وهي مترددة أنا كنت عايزة أستنى لما ترجع البيت بس بعد اللي حصل النهارده لازم تعرف دلوقتي
قلت لها إيه اللي حصل؟
