الحاجة سعاد كانت لسه واقفة قدامي وهي بتبص لأحمد بنظرة كلها خوف وقلق وأحمد قرب منها وقال بعصبية ماما إنتي بتتكلمي عن إيه؟ هي قالتلك إيه؟ الحاجة سعاد بصتلي وأنا فضلت ساكتة قالت وهي بتبلع ريقها أنا كنت فاكرة إنك عارف أحمد اتوتر أكتر وقال عارف إيه؟ داليا كانت واقفة جنبه والطفلين بين إيديها وبدأت تبص للحاجة سعاد بقلق
نوال مرات أبويا تدخلت بسرعة وقالت
سعاد إنتي جاية تعملي إيه؟ الراجل خلاص كشف كل حاجة والموضوع انتهى
الحاجة سعاد بصتلها بغضب وقالت
اسكتي يا نوال
وبعدين رجعت بصت لأحمد وقالت
إنت فاكر إن داليا هي أم ولادك؟
أحمد اتجمد مكانه
وداليا شهقت وقالت
إنتي بتقولي إيه يا طنط؟
الحاجة سعاد قربت منها وقالت
أنا بقول الحقيقة اللي كان لازم تتقال من زمان
أحمد مسك دراع أمه وقال
ماما بطلي ألغاز وقوليلي الولاد دول ولادي ولا لأ؟
الحاجة سعاد سحبت دراعها منه وقالت
الولاد دول ولادك فعلًا
أحمد تنفس براحة
لكنها كملت
بس داليا مش أمهم
القاعة كلها اتقلبت همس
داليا وشها اصفر وقالت
إنتي بتكدبي
الحاجة سعاد بصتلها وقالت
لأ يا داليا أنا مش بكذب
أحمد بص لداليا وبعدين للأطفال وقال
يعني إيه مش أمهم؟
وقبل ما ترد الحاجة سعاد أنا اتكلمت لأول مرة
وقلت
يعني يا أحمد إنك كنت بتصدق كل كلمة داليا بتقولها من غير ما تسأل نفسك ليه أنا عمري ما اتفاجئت بأي حاجة كنت بتخبيها عني
أحمد بصلي بعصبية وقال
إنتي عارفة إيه؟
ابتسمت وقلت
أكتر مما تتخيل
طلع موبايله بسرعة وقال
إنتي بتلعبي معايا؟
قلتله
لأ يا أحمد أنا بس سيبتك تلعب لوحدك لحد ما اللعبة خلصت
داليا قربت من أحمد وقالت
ماتسمعش كلامها هي بتحاول توقع بينا
بصيتلها وقلت
متخافيش يا داليا
أنا مش محتاجة أوقع بينكم
إنتوا وقعتوا لوحدكم
في اللحظة دي واحد من المحامين اللي كان موجود وسط المعازيم قرب مني
ناولته الملف اللي كان في إيدي
وقلتله
اتفضل
افتحه قدامهم كلهم
أحمد بص للمحامي وقال
إنت مين؟
المحامي فتح الملف وقال
أنا المستشار اللي حضرتك ماكنتش تعرف إنه موجود هنا
أحمد بصلي بصدمة
وأنا قلت
فاكر الورقة اللي مضيتها قبل ما تدخل؟
هو بصلي وقال
ورق الطلاق؟
ضحكت وقلت
لأ
دي كانت موافقتي على فسخ الشراكة المالية بيني وبينك
وشكله بدأ يتغير
قلت
أما ورق الطلاق الحقيقي فهو لسه ما اتوقعش
لأن فيه حاجة أهم لازم تعرفها الأول
الحاجة سعاد كانت بتبص للأرض ومش قادرة ترفع عينها
وأنا قربت منها وقلت
قولي له يا طنط
قولي لأحمد مين اللي كان بيتصرف في حسابات الشركة باسمه من وراه
أحمد بص لأمه وقال
ماما؟
الحاجة سعاد بدأت تعيط وقالت
أنا عملت كده عشان أحميك يا ابني
أحمد اتصدم
وأنا حسيت إن اللحظة اللي استنيتها سنين قربت
لكن قبل ما تكمل كلامها
داليا فجأة صرخت
كفاية!
ورمت الطفل اللي في إيديها ناحية أحمد وهي بتعيط وقالت
لو فتحتوا الموضوع ده أكتر
أنا هقول كل حاجة
ساعتها القاعة كلها سكتت
وأنا لأول مرة شفت الرعب الحقيقي في عيني أحمد
لأنه كان عارف كويس إن اعتراف داليا ممكن يهد كل حاجة
لكن محدش كان متوقع إن أول كلمة هتقولها
هتكون عني أنا.
داليا كانت واقفة في نص القاعة وبتعيط والطفل في حضن أحمد والطفل التاني مع واحدة من العاملات اللي جريت تاخده منها لما وقعت إيديها من الخوف وأحمد كان بيبصلها وكأنه لأول مرة يشوفها على حقيقتها
قال بعصبية
هتتكلمي عن إيه يا داليا؟
بصتله وقالت
عن ندى
أحمد اتجمد
وأنا حسيت إن كل حاجة حواليّا اختفت ومابقاش سامع غير صوت نفسها وهي بتقول
ندى مش الضحية اللي إنت فاكرها
نوال صرخت
داليا اخرسي!
داليا لفتلها وقالت
إنتي اللي قولتيلي أعمل كده
القاعة كلها اتقلبت
أبويا بص لنوال بصدمة وقال
إنتي كنتي عارفة؟
نوال حاولت تتماسك وقالت
دي مجنونة ومش عارفة بتقول إيه
لكن داليا ضحكت وسط دموعها وقالت
أنا مجنونة؟
طب أقولهم مين اللي طلب مني أقرب من أحمد؟
