روايات وقص

د المستشفى الاستسماري

إدارة الفندق حجزت الشنط بتاعتهم، ومناعتهم يخرجوا من اللوبي إلا لما يدفعوا المبالغ اللي عليهم كاش!

في نفس اللحظة، الموبايل بتاعي بدأ يرن.

اسم “الأُم” على الشاشة.

سبتها ترن خمس مرات. في المرة الستة فتحت السبيكر وعملت تسجيل للمكالمة.

“حازم! أنت فين يا بني؟! إيه القرف ده! الكروت مقفولة ليه؟! إحنا محبوسين في الفندق في شرم ومكسوفين قدام الناس والعمال! افتح الزفت ده فوراً وأبعت مية ألف جنيه ندفيلهم ونرجع!”

صوتها كان مليان استعلاء وقسوة، مفيش حتى سؤال على ابني ولا على مراتي.

رديت بصوت هادي جداً، بصوت ميت: “أهلاً يا حاجة.. كل سنة وأنتِ طيبة. أصل أنا غيرت الباسوردات وقفلت الحسابات.. عشان الفلوس خلصت.”

“يعني إيه خلصت؟! أنت بتستهبل يا حازم؟! هو إحنا شحاتين عندك؟! شغل الصياعة ده ما يمشيش عليا! كلم البنك افتح الحسابات بدال ما أجي أعملك فضيحة!”

“تجي فين يا أمي؟ الشقة؟.. الشقة فاضية. أنا أخدت سمر ويوسف ورُحت المستشفى.”

سكتت ثانية، وبعدين أختي شيماء خذت منها التليفون وزعقت: “أنت بتلوي إيدنا عشان حتة البت اللي عندك دي؟! أُمك جرى لها حاجة بسبب السقيع والعياط! طلق البت دي وتعالى أقف جنب أختك وأمك يا ناقص!”

قلت ببرود: “تامر جنبك يا شيماء؟”

تامر أخد التليفون وبصوت متوتر: “إيه يا حازم يا حبيبي.. في إيه؟ إحنا بنيجي نغير جو وننبسط، الفلوس دي مش مهمة، أفتح بس الحساب ونتفاهم لما نرجع.”

“تامر.. الدهب اللي سرقته من الخزنة بعته بكام؟”

السكوت نزل على الناحية الثانية زي الجثة.

“إيه.. إيه اللي أنت بتقوله ده يا حازم؟! دهب إيه سرقة إيه؟ أنت اتجننت؟!”

“والعقد المزور بتاع شقة يوسف.. كتبتوه باسم مين؟”

صوت أُمي جه من بعيد وهي بتصرخ: “يا حازم البت دي ملتك كلام فارغ وسحرتلك! والله ما أخدنا حاجة! دي هي اللي سرقت الخزنة قبل ما نسافر!”

ابتسمت، وقلت بوضوح: “الكاميرات يا حاجة.. الكاميرا المخفية اللي فوق السقف في أوضة النوم وفي المطبخ.. مسجلة كل حاجة بالصوت والصورة من يوم ما سافرت لحد ما طلعتوا من باب الشقة.”

سمعت صوت التليفون وهو بيقع من إيد تامر على الأرض.. وصوت شيماء وهي بتشهق، وأُمي بتصوت.

“قدامكم ساعتين.. تتصرفوا وتدفوا فلوس الفندق، لأن لو المباحث جتلكم هناك، هتبقى الفضيحة بس بجرسة.”

قفلت السكة في وشهم.

عماد المحامي كان واقف جنبي في مكتب وكيل النيابة. قدمنا الفيديوهات، والتحريات اتعملت في ساعتين زمن بسرعة غير طبيعية لأن القاضي نفسه اتصدم من بشاعة المنظر في الفيديوهات: ست والدة قيصري بتتساب تتصفى وبيموتوها بالجوع عشان ياخدوا فلوسها وذهبتها.

صَدر أمر ضبط وإحضار رسمي ضد:

1. تامر عبد الحميد (بتهمة السرقة بالإكراه والتزوير في محررات رسمية واستعمال توكيل ملغى).

2. شيماء حازم (بتهمة الاشتراك في السرقة والتزوير والإهمال المؤدي للقتل الشبه عمد).

3. هدى مصطفى (بتهمة التستر والاشتراك في السرقة والتزوير).

يوم 2 يناير، الساعة ستة المغرب..

تامر وشيماء وأُمي كانوا راجعين القاهرة في عربية تامر، بعد ما زنقوا نفسهم وباعوا ساعتين غاليين وسلسلة ذهب كانت مع شيماء بتبخس السعر عشان يدفعوا حساب الفندق الخمس نجوم ويخرجوا.

أول ما وصلوا بوابة تحصيل الرسوم في طريق السخنة-القاهرة.. لقوا بوكسين شرطة قافلين الطريق، وعساكر ومعاهم ضابط مباحث بيكشف على النمر.

الضابط قرب من عربية تامر، خبط على الإزاز.

تامر نزل الإزاز وهو بيرتعش ووشه أصفر: “خير يا باشا؟ في إيه؟”

الضابط بص في الورق اللي معاه: “تامر عبد الحميد؟”

“أيوه يا باشا.”

“انزل يا روح أمك.. أنت والمدام والحاجة اللي ورا.”

شيماء صرخت: “أنت بتكلم قرايب مين كده يا جدع أنت؟! أنت عارف إحنا مين؟!”

الضابط زق الباب وطلع الكلابشات: “عارف.. متهمين في القضية رقم 4021 جنايات الدقي.. سرقة وتزوير وتدليس وإهمال طفل. انزلوا من غير كلام بدال ما تتربطوا في صندوق البوكس!”

الحاجة هدى نزلت وهي بتصرخ وتلطم على وشها في نص الشارع: “يا ناس يا عالم! ابني بيحبس أمه! ابني العاق بيسجن أخته وأمه عشان خاطر واحدة غريبة!”

الناس اتجمعت، والكلابشات اتقفلت في إيدين تامر وشيماء.. وأُمي اتحطت في العربية الجيب تحت الحراسة.

في التخشيبة بتاعة قسم الدقي، المنظر كان يهد الجبال.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى