قالتلي لو قربت منك أو حاولت أقولك الحقيقة هتخلي ولادك يختفوا مني للأبد
يونس قبض على الورقة لدرجة إنها اتكرمشت في إيده
قال
وإنتي صدقتيها
قالت
لما آدم اتولد حصلت مشكلة في المستشفى
سكتت لحظة وبعدين كملت
ووقتها عرفت إن تهديدها مش كلام وخلاص
يونس قرب منها
إيه اللي حصل في المستشفى
مريم فتحت بقها لكن قبل ما تتكلم أعلن قائد الطائرة إنهم قربوا يوصلوا القاهرة
وبعد دقائق نزلوا الطيارة
يونس فضل ماشي ورا مريم والطفلين لحد صالة الوصول وهو مش قادر يبعد عينه عنهم
لأول مرة شاف آدم بيجري قدامه
ولأول مرة حمل ليلى بين إيديه
البنت الصغيرة حطت رأسها على صدره بمنتهى الهدوء
يونس حس إن كل حاجة اتسرقت منه رجعت في لحظة واحدة
لكن اللحظة دي ما كملتش
موبايله رن
الرقم كان رقم والدته
رد وهو ساكت
جاله صوتها هادي جدا
وصلت يا يونس
يونس اتجمد
قال
إنتي عرفتي منين
ضحكت وقالت
أنا بعرف كل حاجة عنك
يونس بص لمريم
مريم وشها شحب
قال
إنتي كنتي عارفة إنهم موجودين
سكتت أمه ثواني
وبعدين قالت
أنا كنت بحاول أحميك
يونس رد
تحميني من ولادي
الصوت اللي في الطرف التاني اتغير
وقالت جملة واحدة خلت يونس يحس إن الدم نشف في عروقه
لو عايز ولادك يفضلوا عايشين إبعد عن مريم ومتفتحش الورقة دي أكتر من كده
المكالمة اتقفلت
يونس بص لمريم
مريم كانت بتعيط
وفجأة آدم شد إيد يونس وقال
بابا
يونس نزل لمستواه
آدم أشار ناحية باب الخروج وقال
الراجل ده كان مستني ماما من زمان
يونس رفع عينه ناحية الباب
شاف راجل واقف بعيد لابس جاكت أسود ومراقبهم
وأول ما عينيه قابلت عين يونس ابتسم
وبعدين لف ومشي بسرعة
يونس حط ليلى في حضن مريم وقال
خدي الولاد ورايا
مريم سألت بخوف
إنت هتعمل إيه
يونس مسك الورقة وقال
هعرف مين لعب في حياتنا
وبص ناحية الباب وقال
بس المرة دي محدش هيقدر يمنعني
لأنه لأول مرة بقى معاه دليل
ودليل أخطر من الورقة نفسها
كان اسم الشخص اللي استلم المبلغ مقابل إنه يخفي ولاد يونس عنه تلات سنين
والاسم ده كان اسم حد من أقرب الناس ليه…
يونس خرج من بوابة المطار وهو ماسك الورقة في إيده ومريم ماشية وراه وهي حضنة ليلى وآدم ماسك إيدها لكن الراجل اللي شافوه اختفى وسط الزحمة كأنه ماكانش موجود أصلا
يونس وقف فجأة وبص حواليه
مريم قالت بخوف
مش هنقدر نقف هنا يا يونس
رد وهو عينه بتدور في المكان
أنا مش ههرب تاني
قالت
إنت مش فاهم هما ممكن يعملوا إيه
يونس بص لها
أنا فاهم أكتر مما تتخيلي
وبعدين نزل على ركبته قدام آدم وقال له
