سارة خرجت وراهم وهي حاسة إن رجليها مش شايلينها بس عقلها كان صاحي أكتر من أي وقت فات وأول ما وصلوا للممر المؤدي لمؤخرة المركب سمعت صوت الهوا بيخبط في الشبابيك وصوت الموج عالي والليل حواليهم كان ضلمة لدرجة إن البحر نفسه كان باين كأنه حفرة سودا مالهاش آخر أحمد حط إيده على كتفها وقال لها خلي بالك يا حبيبتي الأرض مبلولة سارة بصت له بطرف عينها وقالت أنا كويسة بس إنت مسندني ليه كده؟ ضحك
وقال عشان خايف عليكي نوال كانت ماشية وراهم وقالت بسرعة أيوه يا بنتي أحمد من ساعة ما اتجوزك وهو مشغول بيكي سارة كتمت ضحكة ساخرة وقالت في سرها لو تعرفي هو مشغول بيا ليه بجد كانت الدنيا كلها اتقلبت فؤاد سبقهم ووقف عند السور وبص حواليه وبعدين بص لأحمد نظرة قصيرة فهم منها أحمد إن كل حاجة جاهزة سارة شافت النظرة دي وساعتها قلبها دق بعنف لكنها فضلت تمثل إنها مش فاهمة حاجة أحمد قرب منها
وقال لها بصي البحر شكله حلو أوي من هنا سارة بصت لتحت وقالت فعلاً عميق أوي أحمد قال لها تحبي تقربي أكتر؟ سارة ردت بصوت هادي أنا بخاف من البحر أحمد ابتسم وقال وأنا معاكي مفيش حاجة تخوف وفجأة مسك إيدها وبدأ يقربها ناحية السور سارة حسّت إن اللحظة اللي كانت مستنياها وصلت فعملت نفسها بتترنح وقالت أحمد أنا دايخة قوي أحمد فرح وقال بسرعة استحملي شوية بس سارة وقعت على ركبتها فجأة وهو
افتكر إن الدوا بدأ يشتغل فمد إيده عشان يمسكها لكن سارة رفعت رأسها وبصت في عينه وقالت بصوت واطي أنا عارفة كل حاجة أحمد اتجمد مكانه ووشه اتغير في ثانية سارة كملت إنت فاكر إني كنت نايمة ومش سامعة؟ فؤاد ونوال قربوا بسرعة وأحمد قال لها إنتي بتقولي إيه؟ سارة ابتسمت وقالت بقول إني سمعتكم وإنتوا بتخططوا تقتلوني وتقتلوا أبويا كمان اللحظة دي نوال شهقت وفؤاد قال بصوت غاضب إنتي بتخرفي من الدوا أحمد مسك دراعها وقال لها تعالي نرجع للكابينة سارة سحبت إيدها منه
وقالت لأ مش هرجع معاكم وفجأة أحمد ضربها على كتفها وحاول يدفعها ناحية السور لكن سارة كانت مستعدة فمسكت في الحديد بكل قوتها وصرخت بأعلى صوتها الحقوني أحمد حاول يسكتها لكن قبل ما يلمس بوقها سمعوا صوت خطوات جاية من الناحية التانية للمركب فؤاد قال بسرعة حد جاي أحمد ساب سارة وجري ناحية الممر ونوال وراه لكن سارة فضلت
