روايات وقص

مش شايفاك

بنتي
حاول النهوض سريعا إلا انه كاد أن يسقط ليسنده الحج سالم بيديه
خير يا اخويا إنشاءلله اسند عليا يا سليم وتعالى نشوفها
و بالأسفل
استقل ياسين خلف عجلة القيادة وادار موقدها وضغط بقدمه على دواسة البنزين بقوة لكنه رفعها سريعا وابطئ حركة السيارة حتى توقفت رغما عنه عندما توقف يونس بسيارته المقابلة له مباشرة
ليخرج ياسين راسه من السيارة ويشير له بالتراجع
إرجع ورا يلا خليني أعدي
ظهر يونس من بين حاجبيه وهو ينظر إلى هيئة ياسين المتعبة بتعجب فهو برغم انطباعه طيب وعمله يجبره على تلويث ملابسه بالتراب إلا أنه لا يستقل سيارته ولا يترجل خارج الحي بهيئته المتعبة هذه أبدا
في إيه يلا مالك ماشي في وشك كده ورايح علي فين بمنظرك دا
وإنت مالك عدي يومك يا يونس أنا مش فاضيلك دلوقتي
كاد يونس أن يكلمه إلا ان تدخل احد الرجال وهتف وهو يقترب بإتجاه نافذة سيارة يونس
صلو على النبي يا معلمين عليه افضل الصلاة والسلام مايصحش كده دانتو ولاد عم والداخل مابينكم غريب مايجراش حاجة يا يونس عديه يابني اصل تقريبا في حاجة عندهم
لمح اخيه يقف امام باب العمارة وكأنه يراقب الوضع من بعيد فتراجع بسيارته
رحل ياسين سريعا وعاد هو ليصف سيارته في مكانها وبعدها وقف امام اخيه
في ايه يا هشام مالك يا بني واقف كده ليه والشخص اللي جري بالعربية دا رايح فين كده
مستنيك يا اخويا تعالى تعالى دانت فاتك كتير اوي
الله إنت هترغي كتير ليه ماتقول اللي حصل علطول وبلاش كلام كتير
الله وأنا مالي يا عم انت بتزعقلي ليه دلوقتي الحق عليا إني واقف مستنيك عشان انورك واعرفك اللي بيحصل من وراك
اللهم طول بالي يا روح اخلص يا هشام وأنطق على طول
من شوية سمعنا صوت جاي من عند عمك وزي مايكون كده كان صوت البت ليلة اتخضينا كلنا وجرينا ورا ابوك اصله خاف ليكون عمك جراله حاجة واحنا خارجين من العمارة لقينا ياسين طالع يجري هو كمان
ولما طلعنا كان الصوت سكت و عمك وياسين واقفين برة وقالنا إن أمه هي اللي تعبانة ومارديش يدخل امك عندها فامك زعلت وخادتني وكنا هننزل بس لقينا اختك خارجة تصرخ وتقوله إلحق ليلة
إنقبض قلبه خوفا عليها مسك ذراع شقيقه يحثه على إعادة ماقال
إنت قصدك إيه مين فيهم اللي تعبانة ليلة ولا امها
تقريبا كده ليلة بس ريم ماكملتش كلامها اصل ياسين سكتها لما بصلها بعينه وتقريبا كده طلب منا نخرج انا وأمك وخدها ودخلوا الأوضه وقفل الباب وراه عشان ماندخلش معاهم بقولك إيه ماتطلع كده تشوف في إيه وتطمن عليها”

“والنبي أوعى تقول كده عشان خاطري
تقدم ياسين هو الاخر وجثى على ركبتيه وإذا به يتمسك بكف والده رغما عنه وبرغم أنه أشاح وجه للجهة الأخرى وأبى أن ينظر أليه إلا أنه ظل يقبل يده
وحياة غلاوتك إنت عندي ماحصل ولا هيحصل أبدا يابا ابوس إيدك ماتزعلش
عليا دانا ماليش غيرك
سحب كفه من بين يديه ولم ينظر إليه وربت على ظهر ليلة عدة مرات
ليك زعلك اللي بقيت تظهره في وش الكل يابن مرمر كفاية عليك هتعمل برضايا أنا إيه بقى
والله ولا أقدر يابا دانت لو عايزني اعمله قدامك
دلوقتي وتسامحني هاعمله لك طب أبوس رجلك يابا قول حاجة يا عمي
أنحني ياسين على قدم والده وبدموع منهمرة ظل ليجذبه يونس ويردف والده
خلاص بقى ياسليم الواد مايقصدش يزعلك وانا قولتلك العيب كله على الشخص التاني ده وعشان أطمنك يا سيدي ليلة دي بنتي محدش هيمسها بسوء طول مانا عايش
يونس يكتب على ليلة النهاردة يا سالم إبعت للمحامي وهاته يكتب الورقة
تفاجؤو جميعا بقراره وظلو كل واحد على حاله ما بين مندهشة ومنزعج وباكية رافضة واخيرا هو هذا الصامت حتى الأن والتي تهللت أساريره وكاد يقفز من شدة فرحه
لاء يا بابا أنا مش عايزاه مش عايزاه

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى