روايات وقص

مش شايفاك

قالت بها وجرت للخارج لكنه وقف عليها الطريق وأوقفها بنظرته
هنشوف حكاية مش عايزاه دي بعدين بس
دلوقتي نسمع كلام بابا عشان مايتعبش يا حبيبة عمك
هزت رأسها يمينا ويسارا بالنفي وعند ذلك تحدثت مرمر
كده بردو يا سليم بعد دا كله هتعمل في البت كده
مش هتلاقي ليها راجل أحن منه عليها يا مرمر
ظهر صوته عالي ونفرت عروق عنقه واخيرا ما صدح صوته
راجل مين يا عمي دا اللي يبصلها بطرف عين ازعل منه جامد
هو دا اللي مافيش احن منه يابا
خلاصة القول زي ما قولت يا أخويا المحامي هيجي دلوقتي وهيكتب عقد جواز يونس وليلة وقبل ما تزيدي في عياطك يا مرمر وتفرح أوي يا معلم يونس
هيفضل كتب كتاب بس لحد ما ليلة تتم تمنتاشر سنة ودا درس ليك إنت على عملتك يامعلم يونس
نعم ويبقى لزمتها إيه الجوازة بقى يابا وبعدين هو أنا أجرمت يعني عشان كلمتها في التليفون
هو دا اللي عندي يا يونس أصل مش على اخر الزمن بنات غفران اللي يتكلمو من بالتليفونات في السر
بت يا ريم حضري شنطة هدومك إنت وابنك يا بت
برفعة رأس أظهرت كبريائها وأبت ان ترضخ لنظرته الجادة لتومأ لأبيها بهدوء وهي ذاهبة لتنفذ امره
حاضر يابابا
ظهر بغضب أمام الجميع وكاد ان يركض خلفها
هو إيه دا اللي حاضر يا بابا طب وحياة والله
ماتحلفش
قالها سالم محذرا وأشهر سبابته أمام وجهه
الله
في سماه لو ماتعدلتوا أنتو الأتنين ماهتلاقوا غيري يوقف ليكم وكلامي هيتنفذ ويمشي زي الوعد عليكم إنتوا فاهمين
وقف ياسين يحاول ان يكتم غضبه بصعوبة بينما ظل الهادي ثابتا حتى ينتهي الأمر برمته وتصير حبيبته له للأبد
تم إنعقاد تلك الزيجة وكتابة هذا العقد وسط بكاء الأم وإنزعاج الأخ الأكبر وترقب العم لألام شقيقه أما عنه هو فكانت الدنيا لا تسع فرحته المكنونة بداخله لكنه تعمد إظهار جموده حتى يحين له الوقت وينفرد بها ويسمع منها ماتشتاق إليه إذنيه
وبعد ان رحل المحامي ومعه الشاهدان أخذ العم زوجة اخيه ودخلوا اليه مرة أخرى
بينما حاول ياسين أن ينسحب قليلا ليصعد إلى زوجته محاولا ردها عن قرارها إلا أن قرينه الهادي تصدي له و وقف يكلمه بهمس
على فين العزم يا نسيبي
ألتوى ثغر ياسين ساخرا متعجبا من ما لفظ
أول مرة تقولها لي مع أني متجوز أختك من سنتين
أعتلت ثغره شبه أبتسامة وبدء يلاعب له حاجبيه وكأنه يتعمد يمازحه وهو يفتعل حركات بيديه
لاء ماهو لما انت اتجوزت اختي كنت نسيبنا كلنا أنما بقى دلوقتي الوضع أتغير أنا اتجوزت اختك يعني بقينا احنا الأتنين ماشين في طريق واحد بس عكس بعض كده رايح وكده جاي
أوعى من وشي يا يونس بدل ماخلي دراعك التاني يرتاح شوية
زقه من امامه بهدوء وترجل خارج الشقة ليبتسم هو فرحا فقد أتيحت له الفرصة الأن
وسريعا ما أتجه أليها
قبض على مقبض بابها وفتحه بعد دق وبلحظة كان داخل الغرفة مغلقا الباب عليهما
وما كاد ينطق بحرف إلا وقابل صوتها الرافض في وجهه
جاي ليه إطلع برة أنا مش عايزاك إنت سامع حتى لو كتبت عليا ألف عقد بردو مش عايزاك يا يونس
بحركات هادئة كان يهديها وبخطوات رزينة وعين هادئة وقف أمامها وكلمها بهدوء حين كلمها برفق
عيدي كده كنتي بتقولي إيه
لم يرمش لها جفن ولم تتوقف دموعها
مش عايزاك يا يونس مش
لم تكملها المسكينة
أبتسم على حمرة وجنتيها وحاول يطمنها
أرفعي وشك
هزت رأسها يمين ويسارا بالنفي
على أساس إنك مش عايزاني ليه دلوقتي
ايوة مش عايزك ابعد عني روح لخطيبتك يا عريس
مش أنت اللي أتحدتيني ومشيتي ورا كلام أخوكي وأمك قابلي بقى اخرة عنادك وسمعانك كلامهم”

“بهدوء ورد لها مبتسما
وابني هيرضع ازاي إذا كانت حاجته مش معاه يلا بينا على بيتنا وهناك نتكلم براحتنا يا روحي
نفضت يدها من بين قبضته مشيرة على نفسها
تعبتيني انا يا ياسين
أحلى تعب يا روحي
طب انت عارف جوز الكلام يبقى ايه
ألتفت إليها سريعا منبهها بنظرة عينه الجادة ليهمس لها بهدوء
عارف ياريم وفوق في أوضة نومك هعرفك إنت كمان شكلك عايزة تفرحي بعمار كل يوم معانا
عاد لهدوئه مرة اخري وتقدم خطوة ممسكا يدها داخل راحته إلا أنه تفاجأ بدخول والدها وزوجته من خلفه
واخد البنت برضاها ورايح بيها على فين يا ياسين
تشنج وجهه واتصبغ بحمرة الضيق رمقها بعين حزينة ثم تأهب للكلام مع عمه
مراتي يا عمي ومش هاسيبها تبات برة بيتها ليلة كمان حتى لو زعلت منكم جامد
لاااااء
قالت بها ريم التي
تقدمته دون أن تفلت يدها من قبضته رابتة على صدرها بمحايلة
والنبي يا بابا سيبني اروح معاه والله يا بابا انا اللي عايزة انزل هو مش غاصبني ولا حاجة
بتقوليها خوف يا بنت سالم مفكرة ان جوزك يقدر يرفع عينه في وشي
قالها سالم محاولا سحبها من يده لكن ياسين تعمد أن يظهر ثباته أمامه ليخبره انه لا يفرط فيما يملك قط
أبتسم الحج سالم على حب ذلك الطيب وافصح لهم الطريق هاتفا
لاء يا خويا خدها ويلا بالسلامة بس انت عارف لو زعلتها تاني
ضحك بصوت مرتفع وتخطاهم ذاهبا بها
يا عم انت بتتلكك هي كانت اشتكت ليك اولاني عشان تعملها تاني
أخذها وذهب
لتهتف أشجان بضيق
إنت هاتسيبه ينزل كده ببساطة وهو واخد البت في إيده يا سالم
أومال كنتي عايزاني اخرج واقفل عليهم باب الأوضة يا وليه إتجننتي في مخك إنت ولا ايه
وإذا به يدلف الى غرفته ويغلق بابها في وجوههم مرة أخرى
لتتسأل شيماء

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى