منى بصت لها
“التحويل ده مش لمحمود”
“أمال لمين؟”
منى قلبت الشاشة ناحيتها
نجلاء قرأت اسم المستفيد
واتسمرت مكانها
كان اسم والدها المتوفى
نجلاء همست
“ده مستحيل”
عمي حسن قرب من الشاشة
وشه اتغير
“أبوك كان حسابه اتقفل بعد وفاته”
منى قالت
“بالضبط”
سكت الجميع
سامح بدأ يرجع للخلف
نجلاء بصت له
“إنت عملت إيه؟”
سامح ما ردش
“إنت حولت فلوس باسم أبويا بعد وفاته؟”
فجأة موبايل نجلاء رن
رقم غريب
ردت وهي متوترة
“ألو؟”
جالها صوت راجل كبير
“مدام نجلاء؟”
“أيوه”
“أنا من البنك”
قلبها دق بسرعة
“خير؟”
الراجل قال
“إحنا لقينا حاجة لازم حضرتك تعرفيها قبل ما نكمل الإجراءات”
نجلاء بصت لمنى
“حاجة إيه؟”
صوت الراجل انخفض
“الحساب اللي حضرتك قدمتي عليه اعتراض… مش هو الحساب الوحيد”
نجلاء سألته
“يعني إيه؟”
قال
“في حساب تاني باسم والد حضرتك”
سكت لحظة
“والحساب ده اتفتح بعد وفاته بسنتين”
نجلاء شهقت
“إيه؟!”
الراجل كمل
“واللي فتح الحساب استخدم مستندات رسمية جدًا”
وبعدين قال الجملة اللي خلت نجلاء تقوم واقفة
“والتوقيع الموجود على المستندات مطابق لتوقيع حضرتك إنتي”
نجلاء فضلت ساكتة
إيديها بدأت ترتعش
لأن لو المستندات دي حقيقية
يبقى حد مش بس سرق فلوسها
حد كمان استخدم اسمها وتوقيعها
لكن السؤال الأخطر كان
مين كان عنده أصل توقيعها؟
نجلاء بصت ناحية سامح
وسامح كان واقف مكانه
لكن المرة دي ما كانش باصص لها
كان باصص لعمي حسن
وكأن الاتنين كانوا عارفين سر أكبر بكتير من اللي نجلاء اكتشفته لحد دلوقتي…
نجلاء فضلت واقفة مكانها والموبايل في إيدها وهي بتبص لسامح وعمي حسن واحد ورا التاني
قالت بصوت متقطع
“إنتوا الاتنين كنتوا عارفين؟”
عمي حسن هز راسه بسرعة
“والله يا بنتي أنا ما كنتش عارف غير من فترة قصيرة”
سامح حاول يتكلم
“نجلاء اسمعيني”
صرخت فيه
“مش عايزة أسمع منك حاجة!”
منى قامت وقفت جنبها وقالت
“خليكي هادية عشان نعرف نوصل للحقيقة”
نجلاء مسحت دموعها وقالت
“أنا هادية يا منى”
وبصت لسامح
“بس هو اللي مش هيبقى هادي لما كل حاجة تظهر”
منى كلمت البنك تاني وطلبت منهم يوقفوا أي تحويلات مرتبطة بالحسابات محل الشبهة لحد ما يتم التحقيق
وبعدها قالت لنجلاء
“بكرة الصبح هنقدم كل المستندات للنيابة”
سامح اتوتر
“نيابة إيه؟!”
منى ردت
“النيابة المختصة بالبلاغات المالية”
سامح قرب منها
“إنتي عايزة ؟”
نجلاء ردت
“إنت اللي دمرت نفسك يا سامح”
في اللحظة دي داليا بدأت تعيط
“أنا آسفة”
نجلاء بصت لها
“على إيه؟”
“على إني دخلت بينكم”
نجلاء سكتت شوية وقالت
“إنتي غلطتي لما قبلتي تكوني مع راجل متجوز”
وبعدين كملت
“بس اللي عمله سامح في الفلوس والورق ده حاجة تانية”
داليا هزت راسها
“أنا عندي رسائل”
سامح اتجمد
“رسائل إيه؟”
داليا طلعت موبايلها
“رسائل بيني وبينك”
وبدأت تعرضها على منى
كان فيها سامح بيتكلم عن الفلوس وعن فروع المطاعم وعن إنه “هيخلص موضوع نجلاء قريب”
وكان فيه كمان تسجيل صوتي قصير
صوت سامح واضح فيه وهو بيقول
“لو نجلاء عرفت التحويلات دي هنضيع كلنا”
منى حفظت التسجيل فورًا
وسامح فقد أعصابه
