بصيت لبابا وأنا حاسة إن نفسي اتقطع
قلتله “إمضتي دي آه شبه إمضتي بس أنا ما مضيتش على الورقة دي”
بابا قلب باقي الورق بسرعة وقال “استني كده”
حط الورق كله على الترابيزة وبدأ يقارن التوقيعات ببعض
قال “بصي هنا”
قربت منه
كان فيه طلب باسمي والضامن فيه محمود
حسيت إن الدنيا بتلف بيا
قلت “إيه ده؟ أنا عمري ما طلبت حاجة”
بابا رفع عينه وبصلي بجدية
“يبقى حد دخل على معلوماتك”
فضلت ساكتة
وفجأة افتكرت اليوم اللي محمود طلب مني فيه صورة بطاقتي وبيانات مرتبي
وقتها قاللي إنه محتاجهم عشان يعمل ملف جديد للعربية
ما شكيتش فيه
كنت مراته
وأبو ابني
والشخص اللي كنت فاكرة إنه أكتر حد أمان في الدنيا
بابا قال “إنتي لازم تعرفي الموضوع ده حصل إمتى”
فتحت الملف وبدأت أدور بين الأوراق لحد ما لقيت التاريخ
كان من حوالي سبع شهور
سبع شهور بالظبط
يعني قبل ما محمود يسيب شغله بشهر واحد
رفعت عيني لبابا وقلت “هو كان محتاج فلوس وقتها”
بابا ما ردش
كان بيقلب في الأوراق
وفجأة وقف عند صفحة تانية
قال “هنا المصيبة”
قربت منه
لقيت أوراق فيها مبالغ كبيرة رايحة لحساب مش باسمي ولا باسم محمود
قلت “الحساب ده بتاع مين؟”
بابا هز راسه وقال “مش مكتوب الاسم كامل”
لكن تحت رقم الحساب كان فيه اسم مختصر
“سارة”
قلبي دق بسرعة
قلت “سارة؟”
بابا بصلي
“تعرفي حد بالاسم ده؟”
ما جاوبتش
لأني كنت أعرف
سارة كانت زميلة محمود القديمة في الشغل
البنت اللي كان دايمًا بيقول إنها مجرد زميلة
واللي طلب مني مرة إني ما أفتحش الموضوع لأنها بتساعده في شغله
فضلت أبص للورقة وأنا مش قادرة أستوعب
قلت “بس ليه محمود يحول لها فلوس باستخدام اسمي؟”
بابا قال “السؤال الأهم هو إزاي قدر يعمل الموضوع أصلًا”
قبل ما أكمل كلامي موبايلي رن
كان محمود
بصيت للشاشة وما رديتش
رن تاني
وبعدين وصلتني رسالة
“ندى لازم نتكلم حالًا”
فضلت باصة للرسالة
وبعدين وصلت رسالة تانية
“لو فتحتي الملف ده لحد تاني هتندمي”
إيدي بدأت ترتعش
بابا لاحظ
قال “وريني”
ناولته الموبايل
قرأ الرسالة وسكت ثواني
وبعدين قال بهدوء غريب
“هو كده بنفسه أكد إن الورق حقيقي”
بصيتله
قال “لو مفيش حاجة يخبيها كان سأل إنتي لقيتي الملف فين”
في اللحظة دي سمعت صوت ياسين بيعيط من الأوضة
جريت عليه وشيلته
كان بيبصلي وبيمد إيده ناحية وشي
حضنته ودموعي نزلت من غير ما أحس
كنت فاكرة إن أكبر مشكلة في حياتي حماتي
وكنت فاكرة إن جوزي ضعيف قدامها
لكن الحقيقة بدأت تظهر قدامي بشكل مختلف تمامًا
محمود ما كانش ضعيف
محمود كان ساكت لأنه كان مستفيد
بابا قال “ندى لازم نروح للبنك الصبح”
هزيت راسي
لكن قبل ما نحط أي خطة وصل اتصال جديد
المرة دي الرقم مش محفوظ
رديت وأنا ساكتة
صوت ست جه من الناحية التانية
“ندى؟”
قلت “أيوه مين؟”
قالت “أنا سارة”
جسمي كله اتجمد
بصيت لبابا
وسارة كملت بصوت هادي جدًا
“أنا عارفة إنك لقيتي الملف”
ما قدرتش أرد
قالت “بس قبل ما تروحي للبنك بكرة لازم تعرفي حاجة”
سكتت لحظة
وبعدين قالت جملة خلتني أنسى تمامًا موضوع العربية وحماتي
“محمود مش هو اللي مضى الورق باسمك”
شهقت
وقلت “أمال مين؟”
سارة سكتت ثواني
وبعدين قالت
“أم محمود”
في اللحظة دي بابا قام من مكانه وقاللي بصوت حاسم
“اقفلي التليفون”
لكن سارة كانت لسه بتتكلم
“ولو عايزة تعرفي ليه عملت كده هقولك بس بشرط واحد”
قلت وأنا حاسة إن قلبي هيقف
“إيه هو؟”
قالت
“ما تثقيش في أي حد من أهله”
وقبل ما أسألها أي حاجة تانية الخط اتقفل
بصيت لبابا
وهو بصلي
وفي نفس اللحظة وصلني تسجيل صوتي على واتساب من رقم سارة
فتحت التسجيل
لكن أول صوت سمعته ما كانش صوت سارة
كان صوت حماتي
وهي بتقول جملة واحدة
“لو ندى عرفت الحقيقة هتضيع كل حاجة”
رفعت عيني لبابا
وفهمنا إن اللي جاي مش مجرد خناقة عائلية
دي كانت لعبة متخطط لها من شهور
والأخطر إن أنا لسه ما عرفتش هما كانوا مخبيين إيه عني طول الفترة دي…
“مش هتلمسه”
حماتي صرخت
“إنتي فاكرة نفسك بتعملي إيه؟”
بابا وقف بينهم وقال
“بنتي مش هتسلم أي ورقة لحد”
محمود بدأ يتوتر
قال “الورق ده ممكن يكون مزور”
قلت “والإمضا؟”
سكت
قلت “إمضتي مزورة برضه؟”
ما ردش
وفجأة حماتي قالت جملة خلتني أحس إن الأرض اتحركت تحت رجلي
“إحنا عملنا كده عشان نحمي البيت”
بصيتلها
“نحمي البيت من إيه؟”
سكتت
محمود بص لأمه وقال “ماما كفاية”
لكنها كملت
“لو كنتي عرفتي من الأول كنتي هتسيبي محمود وتاخدي ابنك وتمشي”
قلت “يعني في حاجة كنتوا مخبينها عني؟”
محمود قال بسرعة
“مفيش”
صرخت فيه لأول مرة
“إنت بتكدب!”
ياسين بدأ يعيط من جوه الأوضة
سكتنا كلنا
دخلت بسرعة شيلته
وأنا راجعة لقيت باب الأوضة مفتوح
وكان فيه شنطة جلد سودا فوق الدولاب
أنا عمري ما شوفتها قبل كده
محمود أول ما لمحني ببص عليها جري ناحيتها
حط إيده عليها وقال
“دي حاجات قديمة”
قلت “وريني”
قال “مفيش حاجة”
مديت إيدي
هو شد الشنطة بعيد
بابا قرب وقال “سيبها يا محمود”
لكن محمود رفض
في اللحظة دي حماتي انهارت فجأة وقعدت على الكرسي
وقالت بصوت واطي
“محمود خلاص”
هو بص لها
قال “إنتي عايزة تضيعي كل حاجة؟”
أنا سمعت الجملة
وقلت “كل حاجة إيه؟”
محمود سكت
حماتي غطت وشها بإيديها
وبعدين قالت
“إنتي مش بنت العيلة دي يا ندى”
اتجمدت مكاني
قلت “يعني إيه؟”
محمود بص لأمه بصدمة
“ماما!”
لكنها كانت خلاص بدأت تتكلم
“أبوكي مش عارف الحقيقة كلها”
بصيت لبابا
لقيته واقف ساكت
لكن ملامحه اتغيرت
قلت “بابا؟”
هو ما ردش
حماتي قالت
“الملف الأزرق اللي لقيتوه مش أخطر حاجة”
وبعدين بصتلي مباشرة
“في ملف تاني عند أبوكي من أكتر من عشرين سنة”
بابا صرخ
“كفاية يا فاطمة!”
أول مرة أشوف بابا بالصورة دي
متوتر
غاضب
وخايف
بصيتله وقلت
“إنت عندك ملف عني من أكتر من عشرين سنة؟”
ما ردش
وساعتها فهمت إن كل اللي حصل من أول العربية والقرض وإمضتي المزورة ما كانش البداية
كان مجرد أول خيط
والسر الحقيقي كان متعلق بحاجة حصلت يوم ما اتولدت…
واللي كان مخبيه بابا عني طول عمري أخطر من أي قرض وأي خيانة كنت متخيلة إني ممكن أكتشفها.
فضلت واقفة قدام بابا وأنا مش قادرة أصدق اللي سمعته
قلت بصوت مبحوح “بابا إنت عندك ملف عني من يوم ما اتولدت؟”
بابا بصلي وبعدين بص لفاطمة وقال “إنتي عايزة تدمري بنتي؟”
فاطمة ردت “أنا ما دمرتش حاجة يا أحمد الحقيقة هي اللي هتدمر كل حاجة”
محمود كان واقف في النص ومش فاهم يعمل إيه
قلتله “إنت كنت عارف؟”
هز راسه بسرعة
“لا”
بصيتله وقلت “بس أمك عارفة”
سكت
قلت “وأنت عارف إن في قرض باسمي”
ما ردش
هنا بابا قرب مني وقال “ندى اسمعيني الأول”
قلتله “أنا سمعت كفاية”
وبعدين بصيت له في عينه
“عايزة أعرف أنا مين”
سكت فترة طويلة
وأخيرًا قال “إنتي بنتي”
صرخت “أنا ما سألتش السؤال ده”
دموعي نزلت
“أنا بسأل عن الورق اللي مخبيه عني”
بابا قعد على الكرسي وحط إيده على وشه
وقال “من تلات وعشرين سنة حصل حادثة”
بابا رفع عينه لها
“إنتي اسكتي”
قالت “لازم تعرف”
بصيتلها
“أعرف إيه؟”
فاطمة قالت “يوم ولادتك حصل تبديل في المستشفى”
حسيت إن صوت الدنيا اختفى
قلت “إيه؟”
بابا قام بسرعة
“كلامها كدب”
فاطمة ردت “لو كدب ليه الملف عندك؟”
بصيت لبابا
“ملف إيه؟”
ما ردش
قلت “عايزة أشوفه”
قال “مش دلوقتي”
“دلوقتي”
رفض
قربت منه وقلت “بعد اللي حصل كله لسه هتخبي عني؟”
سكت
وبعدين مد إيده في جيبه وطلع مفتاح صغير
قال “المفتاح ده لدرج في المكتب القديم”
سألته “جواه إيه؟”
قال “حقيقة كنت بحاول أحميكي منها”
قلت “وأنا دلوقتي مش عايزة حماية أنا عايزة الحقيقة”
رجعنا بيت بابا
دخل مكتبه وفتح درج قديم كان عليه تراب
طلع ملف بني
لكن قبل ما يفتحه موبايله رن
بص للشاشة واتغير لونه
قلت “مين؟”
قال “رقم غريب”
رد
ما اتكلمش
