يصدع صوت الاغاني بشده واقفه تتمايل بخصرها وهيا بتغسل الأواني وبتغني مع الاغنيه بصوتها الرائع
ياحلو صبح ياحلو طل
ياحلو صبح نهارنا فل
ياحلو صبح ياحلو طل
ياحلو صبح نهارنا فل
من اد ايه انا بستنااك وعيني عالباب والشباك عشان اقولك واترجااك
عشان اقولك واترجاك يااااحلو صبح
جات من وراها الله عليكي يابت ياشاهي صوتك جميل اووي
شاهي بابتسامه متسعه
تسلميلي ياميار ياقمر انتي اي إلى صاحكي انتي انهارده عروسه ياحبيبتي لازم تستريحي عشان تبقى موزه انهارده وسامر يتجنن عليكي يابت
ميار؛ انتي مش زعلانه اني هتخطب قبلك ياشاهي
شاهي بعبوس
انتي هبله يابت لا طبعا وبعدين انا مش عاوزه اترتبط دلوقتي
ميار حبيبتي ياشاهي خودي بوسه يابت امووه
شاهي؛ ههههه طب روحي يالا اجهزي عشان انا خلصت وننزل نروح الكوافير
ميار؛ هوا يا اختي
تعريف ببطلتنا
شاهي عندي ٢٣ سنه متخرجه من .. كليه هندسه قسم اعلام-مونتاج .. بحب الاغاني جدا .. وكتير من أصحابي بيقولي اني صوتي حلو طويله عينيها ازرق لون السماء شعرها كستنائي لامع محترمه جدا .. عنيده جدا صوتها من دماغها وشقيه جدا بتحب المرح والهزار
ميار؛ يالا ياشاهي انا جهزت
شاهي؛ حاضر ياميرو
سمر والدتهم؛ شاهي انا مش عاوزه نصايب انهارده دي خطوبه اختك ياحبيبتي اتعاملي مع الناس بأدب
شاهي بلويه فم
اي ياماما هو انا بعمل حاجه في حد
سمر بلويه فم
انتي دانتي برئيه اووي
شاهي تبكي باصتناع
والله انا مظلومه معاكم في البيت دا ومافيش حد بينصفني الا بابا يابابا بابا
منصور :اي ياشاهي عامله غاره عالصبح ليه ياحبيبتي
شاهي ببكاء مصتنع
كدا بردو يابابا تتخلى عني طب انا هفتن عليك ياماما
منصور؛ بس اكتمي يخربيتك عاوزه ايه خلصيني
شاهي بابتسامه
فاهمني انت ياحاج هههه عاوزه فلوس جبت لماما هديه ومعبرتنيش حتى بسلسله فضه لا وعملها مفجاءه كمان ياعيني عالحب
منصور؛ عليا النعمه طول مانتي حاطه عينك فيها المفجاءه مش هتكمل
شاهي؛ متقلقش يابابا انا ظبطلك الدنيا كلها حجزتلك في اوتيل عالنيل عشان تسهرو سوا ياموز قلبي انت
منصور؛ هههههه بتتريقي ياشاهي ماشي بكرا تقعي على بوزك وافرح فيكي
شاهي انا لا لا مش هحب يابابا لأن انت مافيش منك اتنين ابدا ياولدي ياموز مجيب بوسه
سمر بشهقه؛ ياقليله الأدب انا معرفتش اربيكي
شاهي في اي ياماما ماهو ابويا زي ماهو جوزك وليا الحق اني ابوسه انا كمان اشمعنا انتي
سميره بخجل بت ياشاهي عرفتي الحاجات دي منين
شاهي؛ لا دا موضوع طويل وانا من موقعي هذا مش مسئوله عن أي حاجه الحاج هو الي عرفني
يالا ياميار
شدت اختها من ايدها ونزلو عالدرج تركتهم مذهوليين من أفعالها
في بيت يتصف بالجمال مبهج بحب عائلته المحبه لبعضهم البعض
عائله زيدان المسيري
زيدان الابن الأكبر ٣٠ سنه وهو المسؤل عن أخيه بعد وـفاه والده ووالدته شخص صارم وجاد وعنيد عيونه عسلي غامق وشعره فحمي اللون طويل جسمه رياضي وسيم جدا بشرته قمحي البنات بتتمني نظره منه بس لغايه دلوقتي مافيش واحده خطفت قلبه صاحب أكبر إمبراطورية في الشرق الأوسط والكل يهابه
لبس بدلته الكلاسكيه ومشط شعره بعنايه وحط من عطره المفضل فاليوم هو يوم سعده فرح شقيقه على البنت الي اختارها قلبه
نظر لنفسه بثقه في المرايه وخطي لخارج الغرفه متجه لغرفه شقيقه سامر
سامر المسيري ٢٦ سنه شخص هادي طباعه هاديه على عكس شقيقه
سامر بيجهز سمع خبط عالباب سمع بالدخول
دخل زيدان بطلته ومظهره الوسيم
خلصت ياسامر
لف سامر ليه واقف ينظر له بإعجاب شديد واتكلم
هو مين فينا العريس
ضحك زيدان بشده علي شقيقه
مالك يابني مانت العريس
سامر؛ لا وربنا إلى يشوفك هيقول عليك انك العريس زيدان متجيش البت ميار هتغير رأيها لما تشوفك
ضحك زيدان بشده
يخرب عقلك دانت مش مسيطر بقى لا كدا ازعل واجيب ناس تزعل مسيطر ولا لاء يالا
سامر؛ طبعا مسيطر بس انت طالع موز الموزز دانا اخوك وبعاكسك امال البنات هعمل ايه انهارده
زيدان بغرور وثقه
دي أقل حاجه عندي
دخلت جيهان عليهم خالتهم والي اهتمت بيهم بعد وـفاه أهلهم وقفت متامله جمالهم الاخد
جيهان؛ ماشاء الله طالعين تاخدو العقل ياحبايبي يالا عشان متأخرين
حل المساء على الجميع كان الحضور موجود في أبهى قاعات الافراح نزل من العربيه هو وعروسته ودخل بها لقاعه الافراح كانت تنظر للمكان بفرحه شديده وانبهار خطي بها للداخل تحت أنظار الجميع عليهم فكانت في اجمل طله ليهم ببدلته الشيك الرائعه وفستانها الدهبي المنفوش من الخصر وضيق من الصدر
الاهل والأقارب يهنون ويباركون للعرسان
اتقدمت شاهي من اختها باركتلها وبارك لعريسها
وراحت وقفت مع صديقاتها
إحدى صديقاتها بانبهار
واوو ياشاهي شكله جميل جدا
شاهي بابتسامه
شكرا يامها
لابسه فستان كحلي مع ورد بيضاء صغيره بحمالات عريضه مقفول من ناحيه الصدر ونازل سك على جسمها مبين قوامها الممشوق فيه بسخاء مع تسريحه شعر سمبل وميكب رقيق كانت في غايه الجمال
دخل بطله ولا اروع خطف قلوب البنات الكل يتهامس على الأمير الفارس وهو لا يعيرهم انتباه
مها؛ يخربيت الجمال هو في كدا المز دا مصري ولا تركي
ساره بانبهار؛ لا لا مستحيل يكون حقيقي اي الجمال دا هو لو مسك ايدي وربنا لهيغمي عليا
شاهي؛ مالك يابت انتي وهيا اتلمو عييب إلى بتعملوه دا وانتي ياست ساره انتي مش متجوزه اتلمي
ساره وماله مايمنعش اني اكراش عليه ههههه دا من كوكب تاني
مها؛ انا مش متجوزه هروح اتعرف عليه وماشيه شاهي مسكتها انتي اتجننتي هتروحي فين
مها؛ والنبي ياشاهي سيبيني اتعرف عليه
شاهي بغضب من أفعالها
اتلمي يامها احسلك اترزعي هنا لغايه ماجي
