أول ما دخلت قاعة الاجتماعات حسيت إن كل العيون اتعلقت بيا في نفس اللحظة
حسام كان واقف في آخر الترابيزة ووشه لسه مصدوم وكأنه مش قادر يستوعب إني قدامه
سارة وقفت جنبه وقالت وهي بتبصلي باحتقار
أنا بقولك يا حسام البنت دي لازم تمشي حالًا
بصيتلها وقلت بهدوء
البنت دي مين؟
سارة اتوترت لحظة وقالت
موظفة جديدة ومش محترمة وبتعمل مشاكل من أول يوم
ابتسمت وقلت
غريبة
حسام أخيرًا قدر يتكلم وقال
سماح إنتي بتعملي إيه هنا؟
القاعة كلها سكتت
واحد من أعضاء مجلس الإدارة بصله باستغراب وقال
إنت تعرفها يا حسام؟
حسام فتح بقه عشان يرد لكني سبقته
قلت وأنا بحط شنطتي على الترابيزة
طبعًا يعرفني
أنا سماح الشامي
مراته
الوشوش اتغيرت مرة واحدة
سارة نفسها رجعت خطوة لورا
وحسام فضل ساكت
أنا كملت
والنهارده أول يوم ليا كرئيسة تنفيذية للشركة
واحد من أعضاء المجلس ابتسم وقال
أهلًا بيكي يا مدام سماح
لكن سارة انفجرت وقالت
ده مستحيل
بصيتلها وقلت
إيه اللي مستحيل؟
قالت
حسام عمره ما قالي إنك هتمسكي الشركة
رديت عليها
واضح إنه ماكانش عايز يقولك
حسام بصلي بنظرة مليانة غضب وخوف وقال
ممكن نتكلم لوحدنا؟
قلت
طبعًا
بس بعد الاجتماع
وحطيت الملف اللي في إيدي قدام أعضاء المجلس
وقلت
لأن عندنا موضوع أهم من حياتي الزوجية
فتحت الملف وطلعت أول مجموعة أوراق
وقلت
فيه مبلغ ستمية وتمانين ألف جنيه خرج من حسابات الشركة على مدار الشهور اللي فاتت
واحد من أعضاء المجلس قرب الورق منه وقال
مين المسؤول؟
بصيت لحسام
وبعدين لسارة
وقلت
لسه بنحقق
حسام حاول يقاطعني
سماح الموضوع مش زي ما إنتي فاهمة
بصيتله وقلت
وأنا لسه ماقلتلكش أنا فاهمة إيه
سكت
ابتسمت ابتسامة صغيرة وكملت الاجتماع
بعد حوالي ساعة الاجتماع خلص وكل واحد خرج وهو بيبص لحسام بنظرات مختلفة
فضلنا أنا وهو في القاعة
أول ما الباب اتقفل وراه آخر مدير حسام قرب مني وقال بعصبية
إنتي مجنونة؟
قولت
ليه؟
قال
تفضحيني قدام المجلس كده؟
رديت
أنا مااتهمتكش بحاجة
قلت إن فيه فلوس ناقصة وهنحقق
قرب مني أكتر وقال
إنتي عارفة إنك بتلعبي بالنار؟
ضحكت وقلت
