وشه اتغير
قولت
الساعة اللي في إيد سارة كانت هدية لوالدتك
حسام سكت
قلت
إنت قلتلي إنك استلمتها وحطيتها في البيت
قال بسرعة
سارة أخدتها من غير ما أعرف
بصيتله في عينه وقلت
وأنا أصدقك؟
ما ردش
خرجت من القاعة وسيبته واقف مكانه
دخلت مكتبي الجديد وقفلت الباب
أول حاجة عملتها إني فتحت الكمبيوتر وغيرت صلاحيات الدخول
وبعدها أوقفت بطاقات الدخول الخاصة بسارة وحسام مؤقتًا
وبعت تعليمات للأمن إن أي دخول للأرشيف المالي لازم يكون بموافقة مباشرة مني
كنت لسه براجع أول تقرير لما موظف شاب خبط على الباب
قال
مدام سماح ممكن أقولك حاجة؟
قولت
اتفضل
قال وهو متردد
لو سمحتي ماتقوليش إن أنا اللي قلتلك
قولت
وعد
قال
الفلوس اللي بتدوري عليها مش اختفت لوحدها
رفعت عيني من على الورق
وقلت
يعني إيه؟
قال
فيه فواتير وهمية واتحولت فلوس لشركات ملهاش نشاط حقيقي
سألته
ومين كان بيمضي؟
بص ناحية الباب
وقال بصوت واطي
سارة
حسيت إن الصورة بدأت تكتمل
لكن قبل ما أسأله أي سؤال تاني تليفوني رن
كان رقم مجهول
رديت
ألو؟
جالي صوت ست كبيرة ومرتجف
وقالت
مدام سماح أنا واحدة من الناس اللي سارة ظلمتهم
أنا عندي دليل
قلت
دليل على إيه؟
قالت
على كل حاجة
وقبل ما أقفل سألتها
اسم حضرتك إيه؟
قالت
نادية
اتجمدت مكاني
نادية
نفس اسم حماتي
لكنها كملت بسرعة
أنا كنت شغالة في الحسابات هنا
وسارة طردتني لما اكتشفت إني عرفت الحقيقة
سألتها
وحسام كان عارف؟
سكتت ثواني
وبعدين قالت
حسام مش بس كان عارف
هو اللي كان بيطلب منها تعمل كده
قفلت المكالمة وأنا حاسة إن رجلي مش شايلاني
لكن المفاجأة الحقيقية كانت لسه قدامي
لأن وأنا براجع تسجيلات الدخول على النظام لقيت إن سارة دخلت مكتبي بعد ما خرجت أنا منه بدقايق
والأغرب إنها ماكانتْش بتدور على فلوس
كانت بتدور على الملف اللي معايا
ولما فتحت تسجيل الكاميرا شفتها وهي بتفتح درج مكتبي وتحط فيه ورقة صغيرة
قربت من الشاشة
وقريت الورقة
كان مكتوب عليها
لو سماح وصلت للملف القديم يبقى لازم نتصرف قبل ما تتكلم نادية
في اللحظة دي فهمت إن نادية مش مجرد شاهدة
دي كانت الشخص اللي حسام وسارة خايفين منه أكتر من أي حد
لكن اللي ماكنتش أعرفه إن نادية كانت مخبية سر أكبر من سر الفلوس نفسها
وساعتها قررت أروح لها بنفسي
من غير ما أقول لحسام كلمة واحدة
الجزء الثاني
خرجت من الشركة قبل ما حد يحس إني رايحة فين ومااتصلتش بحسام ولا حتى بعتله رسالة واحدة كنت عارفة إن مجرد معرفته إني هقابل نادية ممكن يخليه يحاول يسبقني ويوصلها قبلي
ركبت عربيتي وروحت على العنوان اللي ادتهولي الست اللي اتصلت بيا ولما وصلت لقيت عمارة قديمة في شارع جانبي هادي
طلعت الدور التالت وخبطت على الباب
ثواني والباب اتفتح سنة صغيرة وظهرت ست في أواخر الخمسينات ملامحها مرهقة وعينيها مليانة خوف
قالت
مدام سماح؟
هزيت راسي
قالت
ادخلي بسرعة
دخلت وقفلت الباب ورايا
أول ما قعدنا قالت
أنا كنت شغالة في الحسابات في الشركة أكتر من عشرين سنة
قولتلها
وإنتي عرفتي إيه؟
فتحت درج صغير وطلعت منه فلاشة
وقالت
كل حاجة
مسكت الفلاشة وسألتها
ليه احتفظتي بيها كل السنين دي؟
قالت
عشان كنت عارفة إن اليوم ده هييجي
بصيتلها باستغراب
قالت
اليوم اللي حسام يخسر فيه السيطرة على الشركة
حطيت الفلاشة قدامي وقلت
قوليلي من الأول
تنهدت وقالت
من حوالي سنة ونص بدأت ألاحظ تحويلات غريبة مبالغ صغيرة في الأول وبعد كده المبالغ كبرت وكلها كانت بتروح لشركات جديدة بتتفتح وتقفل بسرعة
سألتها
وسارة؟
قالت
هي اللي كانت بتدخل بيانات التحويلات لكن الأوامر كانت بتوصلها من حسام
قلت
وعندك دليل؟
قالت
الفلاشة فيها نسخ من التحويلات والإيميلات والتسجيلات
فتحت عيني على آخرها
تسجيلات؟
هزت راسها
كنت بخاف منهم فكنت بسجل كل حاجة
مدت إيدها وطلعت موبايل قديم
وقالت
وده أخطر تسجيل
شغلت التسجيل
وجالي صوت حسام واضح
كان بيقول
سارة الفلوس لازم تخرج قبل نهاية الشهر ومحدش يعرف حاجة
وبعده صوت سارة
ولو سماح اكتشفت؟
حسام رد بمنتهى البرود
سماح عمرها ما هتشك فيا
وقفت التسجيل
حسيت إن نفسي اتقطع
سنين وأنا فاكرة إن جوزي سندي وأقرب إنسان ليا
طلع شايف ثقتي فيه نقطة ضعف يقدر يستغلها
سألت نادية
إنتي ليه ماكلمتينيش من زمان؟
قالت
حاولت
