
“متلمسهاش”
سارة رجعت خطوة
وبدأت تقلب في الأوراق
كان فيه عقد شراكة قديم
وتحويلات بنكية
وتوقيعات
وبين الأوراق لقت صورة قديمة لأبوها واقف جنب كريم
لكن الصورة كانت من سنين
قبل ما سارة حتى تعرف كريم
قالت وهي مش مصدقة
“إنت كنت تعرف أبويا قبل ما أتجوزك؟”
كريم سكت
“رد عليا”
قال
“أيوه”
“وأبويا كان عارف إنك بتتجوزني؟”
كريم فضل ساكت
محمود رد مكانه
“أبوكي هو اللي حذرني منه من زمان”
سارة بصت له
“طب ليه ما حذرنيش أنا؟”
محمود قال
“عشان هو ما كانش يعرف إن كريم وصل للمرحلة دي”
سارة رجعت تبص للأوراق
وفجأة لقت ورقة بتاريخ قبل فرحها بيومين
فيها تحويل مبلغ كبير لحساب كريم
لكن المبلغ مش من حسابها
المبلغ كان من حساب أبوها
رفعت عينيها وهي بتترعش
“أبويا حول له فلوس؟”
محمود قال
“دي مش فلوسه”
“أمال فلوس مين؟”
سكت محمود
سارة ضغطت عليه
“فلوس مين؟”
قال
“فلوسك”
سارة حست إن الأرض بتلف بيها
“إزاي؟”
محمود أشار للورقة
“أبوكي كان عامل حساب أمان ليكي من سنين وحاطط فيه جزء من فلوس شغله باسمك”
سارة بصت للورقة
“بس أنا ما كنتش أعرف”
“لأن أبوكي كان مستني الوقت المناسب يقولك”
سارة سألت
“وكريم عرف إزاي؟”
محمود بص ناحية أم كريم
“هي اللي قالت له”
أم كريم صرخت
“كفاية”
سارة قربت منها
“إنتِ كنتي عارفة؟”
أم كريم ما ردتش
“إنتِ اللي عرفتي كريم إن عندي فلوس؟”
أم كريم قالت
“أنا كنت بحمي ابني”
سارة ضحكت بمرارة
“تحميه من إيه؟”
قبل ما ترد دخلت واحدة من قرايب كريم وهي مرعوبة
وقالت
“يا جماعة في عربية شرطة واقفة قدام البيت”
الكل سكت
سارة بصت لكريم
لأول مرة شافته فعلا خايف
محمود قال
“شكل منى ما استنتش أكتر”
سارة سألت
“منى عملت إيه؟”
محمود بص لها وقال
“هي مش جاية لوحدها”
وفجأة سارة سمعت صوت خطوات عند باب البيت
وبعدها صوت ست واضح من بره بيقول
“كريم افتح الباب”
كريم رجع لورا
سارة بصت ناحية الباب
الصوت كان هادي لكنه مليان غضب
“أنا جاية آخد حقي”
ومحمود قال لسارة بصوت منخفض
“دي منى”
سارة قربت من الباب
لكن قبل ما تفتحه لقت رسالة جديدة وصلت على تليفونها من نفس الرقم المجهول
فتحتها
وكان مكتوب فيها
“قبل ما تسمعي منى صدقي عينيكي مش ودانك لأن في حد في البيت لسه بيكدب عليكي”
سارة رفعت عينيها وبصت على الموجودين
واحد منهم كان واقف في آخر الصالة
ساكت تماما
وأول ما عينيها قابلت عينيه عرفته
كان الشخص الوحيد اللي مستحيل تتوقع إنه جزء من الخطة
سارة فضلت ثابتة مكانها وهي بتبص على الراجل اللي واقف في آخر الصالة
كان عمها حمدي
أخو أبوها الكبير
الراجل اللي كانت طول عمرها بتعتبره زي أبوها التاني
واللي حضر فرحها من أول لحظة لآخر لحظة وكان أكتر واحد بيطمنها ويقول لها
“اطمني يا بنتي كريم هيصونك”
سارة بصت له وهي مش مصدقة
“إنت؟”
حمدي ما ردش
كريم بص له وقال بعصبية
“قول لها”
حمدي رفع عينه لسارة
“أنا كنت بحاول أحميكي”
سارة ضحكت بمرارة
“تحميني؟ وإنت ساكت من أول ما عرفت اللي بيحصل؟”
حمدي قرب خطوة
“أنا عرفت متأخر”
سارة رفعت الملف في إيدها
“التحويل ده باسم أبويا”
حمدي سكت
“والعقد ده فيه توقيعه”
سكت أكتر
“وإنت كنت موجود وقت التوقيع”
حمدي بص للأرض
سارة حسّت إن كل حاجة كانت بتتكشف قدامها واحدة واحدة
قالت
“إنت كنت عارف إن كريم عايز فلوسي”
حمدي رد بصوت واطي
“أيوه”
الجملة وقعت عليها كأنها صفعة
“وعرفت قبل الفرح؟”
“أيوه”
“وسكت؟”
حمدي ما ردش
سارة قربت منه
“ليه؟”
قال
“عشان أبوكي طلب مني ما أقولكيش”
سارة اتصدمت
“أبويا؟”
“أبوكي كان بيحقق في حاجة تخص كريم من فترة وكان خايف إنك تعرفي فتتسرعي وتواجهِيه”
سارة بصت لأخو أبوها
“طب ليه جوزني ليه؟”
حمدي قال
“هو ما كانش عايز يجوزك له”
سارة سكتت
“أمال إيه اللي حصل؟”
قبل ما حمدي يرد اتسمع خبط شديد على باب البيت
صوت منى رجع تاني
“كريم افتح الباب”
كريم بص ناحية الباب وبعدين بص لحمدي
“إنت اللي جبتها؟”
حمدي رد
“أنا ما جبتش حد”
منى خبطت تاني
“أنا عارفة إنكم جوه”
محمود راح ناحية الباب وفتحه
دخلت منى
كانت ست في أوائل التلاتينات
لابسة هدوم بسيطة وماسكة ملف أسود في إيدها
أول ما شافت كريم وقفت
ولا كلمة
لكن نظرتها كانت كفاية تخلي كريم يتراجع خطوة
منى قالت
“لسه هتكدب؟”
كريم رد
“إنتِ مالك؟”
منى ابتسمت
“أنا مالي؟”
رفعت الملف
“أنا اللي كنت متجوزاك قبل سارة”
سارة بصت لها
منى قربت منها
“إنتِ سارة؟”
سارة هزت رأسها
منى قالت
“أنا آسفة”
سارة سألت
“على إيه؟”
منى ردت
“عشان اللي حصل لك”
سارة بصت لكريم
“هو عمل فيكي إيه؟”
منى سكتت ثواني
وبعدين قالت
“في الأول كان بيحبني أو كده كنت فاكرة”
“وبعدين؟”
“بدأ يطلب مني فلوس”
كريم قاطعها
“كفاية كذب”
منى ما بصتش له حتى
“كل مرة كان يقول إن ده استثمار وإننا هنكسب أضعاف اللي دفعناه”
سارة سألت
“وإنتِ اكتشفتي إيه؟”
منى فتحت الملف
“اكتشفت إن الفلوس ما كانتش بتدخل أي مشروع”
طلعت ورقة
“كان بيسدد بيها ديون قديمة”




