بصيت للدكتور وأنا حاسة إن قلبي هيقف
قولت له
في إيه يا دكتور؟
بص لسارة اللي كانت نايمة ومغمضة عينيها من التعب وبعدين رجع بصلي
التحاليل بتقول إن جسمها مرهق جدًا وفيه التهاب واضح وهي محتاجة تفضل تحت الملاحظة
قولت بسرعة
يعني هتتحجز؟
قال
أيوه ولازم نبدأ العلاج فورًا
حسيت براحة غريبة رغم خوفي
على الأقل دلوقتي سارة في مكان آمن
لكن الدكتور كمل كلامه وقال
وفي حاجة تانية لازم أعرفها
سألته
إيه؟
قال
هي كانت بتاخد مسكنات كتير في الفترة اللي فاتت؟
سارة فتحت عينيها وبصتلي
وقالت بصوت ضعيف
كريم كان بيجيبلي مسكنات
سألتها
كل يوم؟
هزت راسها
كان بيقوللي استحملي وخدي واحدة لما الوجع يزيد
بصيت للدكتور
قال
المشكلة إن المسكن ممكن يخلي الشخص يحس إن الألم أقل لكنه مش بيعالج السبب
وبعدين سألها
مين كان بيرعاكي في البيت؟
سارة سكتت
أنا اللي جاوبت
كنا فاكرين إنها تعبانة بعد الولادة وخلاص
الدكتور بصلي نظرة طويلة وقال
التعب بعد الولادة طبيعي لكن الألم الشديد والنزيف المستمر مش حاجة المفروض تتساب
حسيت بوشي سخن من الإحراج
افتكرت كل مرة سارة كانت بتقول فيها إنها تعبانة وأنا كنت بقول لها استحملي
كل مرة كانت بتحاول تقوم وأنا كنت بقول لها كريم عنده شغل
كل مرة كانت بتسكت فيها عشان محدش يفتكر إنها بتدلع
قربت منها ومسكت إيدها
قولتلها
سامحيني
فتحت عينيها وقالت
على إيه يا طنط؟
قولت
على إني صدقت كلامه
دموعها نزلت
وقالت
أنا كنت فاكرة إني فعلًا ضعيفة
قولتلها
إنتي مش ضعيفة
إنتي استحملتي أكتر من اللازم
وفجأة الباب اتفتح
كريم دخل
وكان باين عليه إنه متضايق
أول ما شاف سارة على السرير قال
كل ده عشان وجع بسيط؟
بصيت له وأنا مش مصدقة اللي سمعته
قولت
وجع بسيط؟
قال
ماما أنا قلتلك هي كانت تعبانة من الولادة
الدكتور وقف قدامه وقال
حضرتك زوجها؟
قال
أيوه
الدكتور بصله وقال
مراتك محتاجة علاج ومتابعة ومش هتخرج دلوقتي
كريم اتنهد وقال
طب هتقعد قد إيه؟
الدكتور قال
حسب استجابتها للعلاج
كريم مسك موبايله وقال
أنا لازم أمشي عندي شغل
بصيت له وقلت
امشي
بصلي باستغراب
قولت له
