والدة كريم فضلت واقفة ماسكة الظرف في إيدها والقاعة كلها بقت ساكتة بشكل يخوف حتى الموسيقى وقفت والناس اللي كانت من شوية بتضحك وتتصور بدأت تبص لبعضها
كريم مد إيده تاني وقال
هاتيه يا أمي
لكنها هزت راسها وقالت
مش دلوقتي
بصيت لها وقلبي بدأ يدق بسرعة
أنا أول مرة أشوف الظرف ده في حياتي
قالت وهي بتبصلي
عشان عمره ما كان المفروض يوصلك بالطريقة دي
كريم فيها
يعني إيه؟ إنتي مخبية حاجة تانية؟
محمود قرب منها وقال
كفاية يا سعاد قولي الحقيقة كلها
بصتله والدموع لمعت في عينيها وقالت
أنا عملت غلطة من خمس سنين
كريم رد بعصبية
غلطة؟ إنتي مسحتي رسائل واحدة كانت بتقول إنها حامل في ولادي وبتسميها غلطة؟
سعاد سكتت شوية وبعدين قالت
أنا كنت فاكرة إني بعمل الصح
ضحكت بسخرية وقلت
كل اللي بيأذينا بيقول في الآخر إنه كان بيعمل الصح
كريم بصلي وقال
مريم أنا آسف
قلتله
الاعتذار مش هيرجع خمس سنين
اتغير وشه وقال
أنا عايز أعرف ولادي
بصيت للتلاتة اللي كانوا واقفين جنبي
ياسين كان ماسك إيدي بقوة وسليم كان بيبص لكريم بفضول وآدم كان مستخبي نص جسمه ورايا
قلت
معرفة ولادي مش قرارك لوحدك
كريم قرب خطوة
أنا أبوهم
رديت عليه بهدوء
لو كنت عايز تبقى أبوهم كنت دورت عليهم
سكت
الكلمة وجعته
لكن قبل ما يرد سعاد قربت مني ومدت الظرف
خديه
مسكته وأنا مش فاهمة
إيه ده؟
قالت
افتحيه لما تروحي
كريم حاول ياخده منها
لأ أنا لازم أعرف دلوقتي
لكنها وقفت بينه وبيني وقالت
لو فتحته هنا كل حاجة هتبوظ
نادين كانت واقفة جنب كريم ووشها اتغير تماما
قالت
أنا من حقي أفهم أنا اتجوزت مين
كريم بص لها وقال
نادين…
قاطعت كلامه
لأ يا كريم متقوليش نادين دلوقتي
إنت كنت عارف إن عندك أولاد؟
قال
لأ
قالت
وأمك كانت عارفة؟
سكت
قالت وهي بتضحك من شدة الصدمة
يا نهار أبيض
بصيت لكريم وقلت
أنا جيت النهارده مش عشان أفسد فرحك
أنا كنت عايزة أولادي يشوفوا أبوهم مرة واحدة
بس واضح إن ربنا كان كاتب إنهم يشوفوا الحقيقة كلها
كريم قال بسرعة
مريم استني
وقفت
لفيت له
قال
أنا مش هسيبك تمشي كده
قلت
إنت سبتني خمس سنين يا كريم
دلوقتي أنا اللي هقرر أمشي إمتى
ومشيت ناحية الباب
لكن قبل ما أوصل سمعت صوت سعاد من ورايا
مريم استني
وقفت من غير ما ألف
قالت
في حاجة لازم تعرفيها قبل ما تمشي
قلبي وقع
لفيت لها
إيه؟
سعاد بصت لكريم وبعدين بصتلي
وقالت
التلات أطفال دول مش هم السر الوحيد اللي في الظرف
كريم اتجمد مكانه
وأنا حسيت إن رجلي مش شايلاني
قلت لها
يعني إيه؟
مدت إيدها ناحية الظرف وقالت
الجواب ده أنا كتبته ليكي من خمس سنين
لكن ماقدرتش أبعتلك
قلت
وليه؟
دموعها نزلت وهي بتقول
لأن اللي مكتوب جواه لو كريم عرفه وقتها كان ممكن يسيب شغله كله ويجري وراكي
كريم قرب منها وقال
إنتي بتتكلمي عن إيه؟
سعاد بصتله وقالت
عن الحقيقة اللي أبوك عرفها قبلك
محمود شهق وقال
سعاد…
كريم لف له
بابا إنت كمان كنت عارف؟
محمود سكت
كريم بدأ يتعصب
إنتوا الاتنين كنتوا عارفين؟
محدش رد
وفجأة آدم شد إيدي وقال بصوت بريء
ماما هو ليه الناس دي كلها بتعرف حاجات عن بابا وإحنا لأ؟
الجملة نزلت على القاعة كلها زي الصاعقة
كريم نزل على ركبته قدام آدم وقال
أنا آسف يا ابني
آدم بصله باستغراب وقال
إنت بجد بابايا؟
كريم ماعرفش يرد
وأنا لأول مرة شفت في عينه دموع حقيقية
لكن قبل ما أقدر أقول أي حاجة نادين خطفت الظرف من إيدي
فتحت أول ورقة
قرتها بسرعة
وفجأة وشها اتغير
بصتلي وقالت
إنتي كنتي متجوزة كريم وقتها؟
قلت
أيوه
قالت
يبقى لازم كريم يعرف حاجة مهمة جدا
كريم أخد الورقة من إيدها
قرأ أول سطر
وبعدين وشه شحب تماما
رفع عينه وبصلي وقال بصوت متقطع
مريم…
إنتي كنتي عارفة إن أبويا هو اللي طلب مني أطلقك؟
والدة كريم فضلت واقفة ماسكة الظرف في إيدها والقاعة كلها بقت ساكتة بشكل يخوف حتى الموسيقى وقفت والناس اللي كانت من شوية بتضحك وتتصور بدأت تبص لبعضها
كريم مد إيده تاني وقال
هاتيه يا أمي
لكنها هزت راسها وقالت
مش دلوقتي
بصيت لها وقلبي بدأ يدق بسرعة
أنا أول مرة أشوف الظرف ده في حياتي
قالت وهي بتبصلي
عشان عمره ما كان المفروض يوصلك بالطريقة دي
كريم فيها
يعني إيه؟ إنتي مخبية حاجة تانية؟
محمود قرب منها وقال
كفاية يا سعاد قولي الحقيقة كلها
بصتله والدموع لمعت في عينيها وقالت
أنا عملت غلطة من خمس سنين
كريم رد بعصبية
غلطة؟ إنتي مسحتي رسائل واحدة كانت بتقول إنها حامل في ولادي وبتسميها غلطة؟
سعاد سكتت شوية وبعدين قالت
أنا كنت فاكرة إني بعمل الصح
ضحكت بسخرية وقلت
كل اللي بيأذينا بيقول في الآخر إنه كان بيعمل الصح
كريم بصلي وقال
مريم أنا آسف
قلتله
الاعتذار مش هيرجع خمس سنين
اتغير وشه وقال
أنا عايز أعرف ولادي
بصيت للتلاتة اللي كانوا واقفين جنبي
ياسين كان ماسك إيدي بقوة وسليم كان بيبص لكريم بفضول وآدم كان مستخبي نص جسمه ورايا
قلت
معرفة ولادي مش قرارك لوحدك
كريم قرب خطوة
أنا أبوهم
رديت عليه بهدوء
لو كنت عايز تبقى أبوهم كنت دورت عليهم
سكت
الكلمة وجعته
لكن قبل ما يرد سعاد قربت مني ومدت الظرف
خديه
مسكته وأنا مش فاهمة
إيه ده؟
قالت
افتحيه لما تروحي
كريم حاول ياخده منها
لأ أنا لازم أعرف دلوقتي
لكنها وقفت بينه وبيني وقالت
لو فتحته هنا كل حاجة هتبوظ
نادين كانت واقفة جنب كريم ووشها اتغير تماما
قالت
أنا من حقي أفهم أنا اتجوزت مين
كريم بص لها وقال
نادين…
قاطعت كلامه
لأ يا كريم متقوليش نادين دلوقتي
إنت كنت عارف إن عندك أولاد؟
قال
لأ
قالت
وأمك كانت عارفة؟
سكت
قالت وهي بتضحك من شدة الصدمة
يا نهار أبيض
بصيت لكريم وقلت
أنا جيت النهارده مش عشان أفسد فرحك
أنا كنت عايزة أولادي يشوفوا أبوهم مرة واحدة
بس واضح إن ربنا كان كاتب إنهم يشوفوا الحقيقة كلها
كريم قال بسرعة
مريم استني
وقفت
لفيت له
قال
أنا مش هسيبك تمشي كده
قلت
إنت سبتني خمس سنين يا كريم
دلوقتي أنا اللي هقرر أمشي إمتى
ومشيت ناحية الباب
لكن قبل ما أوصل سمعت صوت سعاد من ورايا
مريم استني
وقفت من غير ما ألف
قالت
في حاجة لازم تعرفيها قبل ما تمشي
قلبي وقع
لفيت لها
إيه؟
سعاد بصت لكريم وبعدين بصتلي
وقالت
التلات أطفال دول مش هم السر الوحيد اللي في الظرف
كريم اتجمد مكانه
وأنا حسيت إن رجلي مش شايلاني
قلت لها
يعني إيه؟
مدت إيدها ناحية الظرف وقالت
الجواب ده أنا كتبته ليكي من خمس سنين
لكن ماقدرتش أبعتلك
قلت
وليه؟
دموعها نزلت وهي بتقول
لأن اللي مكتوب جواه لو كريم عرفه وقتها كان ممكن يسيب شغله كله ويجري وراكي
كريم قرب منها وقال
إنتي بتتكلمي عن إيه؟
سعاد بصتله وقالت
عن الحقيقة اللي أبوك عرفها قبلك
محمود شهق وقال
سعاد…
كريم لف له
بابا إنت كمان كنت عارف؟
محمود سكت
كريم بدأ يتعصب
إنتوا الاتنين كنتوا عارفين؟
محدش رد
وفجأة آدم شد إيدي وقال بصوت بريء
ماما هو ليه الناس دي كلها بتعرف حاجات عن بابا وإحنا لأ؟
الجملة نزلت على القاعة كلها زي الصاعقة
كريم نزل على ركبته قدام آدم وقال
أنا آسف يا ابني
آدم بصله باستغراب وقال
إنت بجد بابايا؟
كريم ماعرفش يرد
وأنا لأول مرة شفت في عينه دموع حقيقية
لكن قبل ما أقدر أقول أي حاجة نادين خطفت الظرف من إيدي
فتحت أول ورقة
قرتها بسرعة
وفجأة وشها اتغير
بصتلي وقالت
إنتي كنتي متجوزة كريم وقتها؟
قلت
أيوه
قالت
يبقى لازم كريم يعرف حاجة مهمة جدا
كريم أخد الورقة من إيدها
قرأ أول سطر
وبعدين وشه شحب تماما
رفع عينه وبصلي وقال بصوت متقطع
مريم…
إنتي كنتي عارفة إن أبويا هو اللي طلب مني أطلقك؟
أول ما كريم قال الجملة دي حسيت إن الدنيا كلها لفت بيا
بصيت لمحمود والد كريم اللي كان واقف في آخر القاعة ووشه متغير وكأنه كان مستني اللحظة دي من سنين
قلت لكريم
أنا كنت أعرف إن أبوك كان مش طايقني وإنه حاول يبعدني عنك لكن إنه هو اللي طلب منك تطلقني دي أول مرة أسمعها
كريم فضل ماسك الورقة بإيده وبيقرأها مرة واتنين كأنه مش مصدق اللي مكتوب
نادين قربت منه وقالت
كريم إيه اللي في الورقة؟
بص لها وقال
أبويا كان مهددني
محمود صرخ
كريم اسكت
لكن كريم لف له وقال
لأ يا بابا كفاية سكوت
خمس سنين وأنا فاكر إن مريم هي اللي اختارت تمشي وإنها سابتني وقت ما كنت محتاجها
وبعدين بصلي وقال
طلع أنتوا اللي خليتوني أكرهها
أنا قربت منه وقلت
أنا حاولت أوصلك
أبوك كان بييجيلي بنفسه ويقولي إنك مش عايز تسمع صوتي
كريم قال
ليه؟
سكت
قال تاني
ليه كان عايز يبعدني عنك؟
محمود أخيرا اتكلم
عشان كنت عايز أحمي ابني
ضحكت من الصدمة
تحميه من مراته؟
قال
من اللي كان هيحصل بعد كده
كريم قرب منه
إيه اللي كان هيحصل؟
محمود بص لسعاد
وسعاد بدأت تعيط
كريم صرخ
حد يفهمني!
محمود قال
يوم ما عرفت إن مريم حامل طلبت منها تنزل من البيت
كريم بصلي
وإنتي نزلتي؟
قلت
نزلت وأنا في شهري التالت
وساعتها كنت فاكرة إن كريم هو اللي مش عايزني
كريم حط إيده على راسه وقال
يا نهار أسود
بص لمحمود وقال
إنت عملت كده من ورايا؟
محمود قال
لو كنت عرفت وقتها كنت هتضيع مستقبلك
كريم رد
مستقبلي؟
وبص على أولاده التلاتة
ده كان مستقبلي يا بابا
الأطفال كانوا واقفين ساكتين ومش فاهمين كل الكلام
ياسين قرب من كريم وقال
إنت زعلان؟
كريم نزل لمستواه وقال
أيوه يا حبيبي
ياسين سأله
مننا؟
كريم دمعت عينه وقال
لا يا ابني أنا زعلان من نفسي
سليم مسك إيد أخوه وقال
ماما كانت بتقول إن بابا مش عارف إحنا موجودين
كريم بصلي
إنتي قلتي لهم كده؟
قلت
عشان دي كانت الحقيقة
في اللحظة دي نادين قالت
بس فيه حاجة مش مفهومة
كلنا بصينا لها
قالت وهي ماسكة الورقة
الرسالة دي مكتوب فيها إن مريم راحت المستشفى قبل الولادة بأيام وإن حد من عيلة كريم دفع فلوس عشان يمنعها من تسجيل اسم الأب
سكتت القاعة كلها
كريم قرب منها بسرعة
إيه؟
نادين مدتله الورقة
اقرأ السطر الأخير
قرأه
وفجأة بص لمحمود
بابا…
محمود ما ردش
كريم قال
إنت دفعت فلوس عشان اسمك مايتكتبش؟
محمود قال
كنت بحاول أحمي اسم العيلة
كريم فيه
اسم العيلة؟!
إنت كنت عايز تمسح ولادي من حياتي عشان اسم العيلة؟
سعاد قربت من كريم وقالت
أبوك ماكانش لوحده
كريم بص لها
يعني إيه؟
قالت
أنا وافقته
أنا اللي أخدت الرسائل من مريم ومسحتها
وأنا اللي قلت لها إنك مش عايز تشوفها
كريم بقى مش قادر يستوعب
بصلي وقال
مريم ليه ماحاولتيش تاني؟
قلتله
حاولت
قال
إزاي؟
قلت
بعد ما ولدت التلاتة بأسبوعين روحت شركتك
وقفت عند الباب أكتر من ساعتين
لكن أبوك خرجلي وقال إنك مسافر وإنك لو عرفت إني جيت هتطلب مني أبعد عنك للأبد
كريم بص لمحمود
إنت قلت لها كده؟
محمود سكت
كريم قرب منه وقال
أنا عمري ما طلبت منك تعمل أي حاجة تخص حياتي
وبعدين بص لنادين وقال
أنا حتى ماكنتش أعرف إن عندي أولاد
نادين دموعها نزلت
وقالت
وأنا؟
إنت كنت هتتجوزني النهارده وأنت مش عارف إن عندك 3 أولاد؟
كريم سكت
نادين هزت راسها وقالت
أنا مش زعلانة إن عندك أولاد
أنا زعلانة إن كل اللي حواليا كان مبني على كذبة
وبعدين بصتلي وقالت
إنتي كنتي عارفة إن كريم هييجي هنا النهارده ويتجوزني؟
قلت
أيوه
قالت
ومع ذلك جيتي؟
قلت
عشان أولادي يعرفوا أبوهم قبل ما يكبروا ويسألوني ليه حرمتهم منه
كريم قرب مني وقال
أنا عايز أصلح كل حاجة
قلتله
مش كل حاجة ينفع تتصلح
قال
بس أنا أقدر أحاول
رديت
حاولت خمس سنين؟
سكت
قلت
دلوقتي دورك تحاول
ومسكت إيد أولادي وبدأت أمشي
لكن قبل ما نخرج من القاعة محمود وقف فجأة وقال بصوت عالي
