جلس نضال بجانب والد شجن وعلي يتحدث في أمور كثيره بعد أن سأل عن شجن وعلم أنها تتسوق مع أم سعيد….ليقل الأب الضرير بخجل شديد : _معلش يا بني متزعلش… انا عارف ان شجن
سابت شغلها عندك فجاه بس الظروف بقا زي مانت شايف…. هي مقدريتش تسبني انا وعلي
مده طويله وكمان رجعت شغلها في المصنع.
*تنحنح نضال يجلي صوته وهو يشعر بدلو مثلج ينزل فوق رأسه ببطء حتي تكلم علي بجمود وهي يزم شفتيه الصغيرة :
انا مكنتش عايز اختي تسيب شغلها وترجع تأني عند الراجل ده في المصنع…. لو سمحت يا عمو رجع شجن تاني الشغل عندك.
*غمغم الأب بصوت خافت في صغيره الرجل الصغير الذي يشعر بالقلق على أخته وما تتعرض له من أذى :
بس يا علي عيب.
*قرب نضال بين حاجبيه العريضان وقد تملك منه العبوس المصاحب لقلق نهش جوانب صدره و سأل علي باهتمام :
_ليه يا على؟ بيعمل ايه الراجل ده لشجن هو بيتعرض لها في حاجة.
*************************
*هتفت بصوت مسموع غاضب النبرة :
_يووو ياخالتي قولتلك مفيش حاجه بس مش عايزه اشتغل تأني في البيت ده.
*همست بتلعثم وهي تتذكر هجوم نضال عليها كالنمر الشرس وتجمعت الدموع داخل مقلتيها : _نضال بيه عصبي….. وكمان الست كريمة طول النهار شخط ونطر وعلي ايه وجع القلب والإهانة
كل شوية…شيل ده من ده.
*ضمت أم سعيد شفتيها بنزق وهي تتفقد بعض حبات الطماطم لشراء :
_الطماطم غاليه ليه كده الدنيا بيقت مولعه نار ارحمنا يارب الغلبان يعيش ازاي.
*ثم اكملت بنفس نزقها علي سعر الطماطم وصاحت في شجن التي تسير خلفها تحمل أكياس الخضروات :
_انتي يابت هبله عايزه تشتغلي عند سلطان المفتري إلا عينه منك في الرايحه والجايه وتبقي قدام الزفت مجدي إلا مش عايز يطلقك قال ايه بعض ما تدفعي له….دفعته عربيه قدمها يارب وتسيبي العز ده والمرتب الكبير صحيح وش فقر
ياختي استحملي الراجل زي النسمة.
*حملت شجن باقي أكياس الخضروات من جارتها كما تحمل همها وبؤسها بين نبضات قلبها و تسال حالها :
*هل هي هربت بالفعل من نضال بسبب ما فعله معاها أم أنها هربت من انجذاب شديد لرجل امتزجت فيه كل ايقونات الرجولة والوسامة الشديدة الغريب بأمرها أنها تشعر بوخزات لذيذة واشتياق غير محدود وهي تفكر فيه الأمر ليس بيدها فهي لم تعرف معني الحب أو الإعجاب حياتها كانت معلقه برجل حيوان غريب الأطوار مغت.صب سادي لا يعرف إلا العلاقة الغير مشروعه واهانت جسدها الصغير قبل قلبها….
*رجل تبلدت مشاعرها علي يده وأصبحت معه
ج\ثه عفنه تلبي احتياجاته فقط وجاء هذا النضال
وتسرب إلى تفكيرها فجأه وبدون مقدمات لا تعرف ماذا اصابها نضال الشافعي ليس من عالمها ويكفيها ما فيها :
*ظلت تفكر فيه حتى اتاها صوت ام سعيد وهي تشهق قائله باستغراب :
_شجن مش ديه عربيه نضال بيه يابت ولا انا غلطانه.
انصعقت من المفاجأة ترتجف وانعقدت معدتها بتوتر وهي تهمهم بصوت خافت و متحشرج
جدا :
_ايوه هي عربيته يا خالتي…ايه الا جابوا هنا يا ترى؟
تهلل وجه ام سعيد وهي تهز رأسها بفرحه :
ايه الا جابوا هنا… طبعا جاي عشاني يشوفني في الخير ابن الأصول.
*سحبت نفسا طويلاً وعميقا جدا وتزايد نبضات توترها من جديد وهمست :
_جاي عشانك انتي تفتكري.
*همهمت ام سعيد بمكر وهي تتقدمها في الدخول من بوابه المنزل :
_ايوه عشاني امال جاي عشانك انتي يعني ادخلي يلا مالك اتسمرتي مكانك كده يابت.
************************
*استقام بجسده الرياضي العريض يقف عندما لمحها وهي تدخل خلف ام سعيد التي هتفت بعبارات الترحيب والود لنضال تستقبله :
_اهلا وسهلا يا نضال بيه الدنيا نورت ايه الزيارة الحلوة ديه… والنبي لو اعرف كنت بليت الشربات
نورت الحته كلها.
*ارتفعت زاوية شفتاه بابتسامه جذابه وغمغم وهو يقترب من ام سعيد ويحيها وعيناه معلقه على تلك الواقفة خلفها تنظر إليه في ذهول وقد لاحظ تخصب وجهها بالاحمرار القاني وارتجافها
وبحركة لا اراديا منها ضمت شفتيها و قد لاحت ذكرى قبلته الجامحة مخيلتها :
*ارتحت عيناه فوق وجهها… كانت له جميله أجمل من أي مره من المرات القليلة التي رآها فيها وجهها الناعم ناصع البياض عيناها الواسعة كبحور الفضة شفتيها القرمزية الرائعة فهي برغم من بساطتها تبدو له امرأه جميله ناعمة ومريحة :
**************************
*رفعت رتيبة يدها تضرب فوق رأسها وهي تصرخ وتعدد:
_قوم يا موكوس شوف الوكسه الا انت فيها الست هانم الا لسه على ذمتك ومش عايز تطلقها…..واحد بيه جاي مخصوص يشوفها وفين هنا في الحته قدام عيون الناس ديه خلاص ملهاش كبير وقرطستك ياسطي.
*ركض مجدي مذعور من صوت أمه الناقوسي الحاد وصراخها :
_في ايه بس ياما مش هعرف انام شويه في البيت ده لو مكنش من عيال بنتك يبقا من صوتك.
*أعلنت رتيبة بنبره جليديه وهي تمسد كتف مجدي بقوه :
_اسكت بلا خيبه عليك…… ولا لسه بنت فايزة هتخليك دلدولها اكتر طول مانت مش عايز تطلقها الحارة كلها بتكلم عن الراجل الا جه يسأل عنها وانت نايم في العسل يابن الخايبة .
*انتفض مجدي من مكانه يهدر بصوت غاضب كالجحيم :
_راجل مين إلا بيسال عنها ياما اتكلمي مين ده؟
