روايات وقص

قبل خطوبتي حكايات زهره الجزء الاول

بس أنا فضلت واقفة في مكاني، متسمرة زي الصنم، دموعي محبوسة في عيني وشفايفي بتترعش ومش قادرة أطلع حرف. أمي لما لقت منظري كده، اتخضت جداً وجريت عليا، وقالت لحماتي : “أطمني يا هانم؟! الشبكة موجوده؟ البت شايلاها في حتة أمينة وأنا هجيبها حالا!”. ولفت ليا وهمست بلهفة ورعب: “في إيه يا نوال؟ فين الشبكة يا بنتي خلصينا أحرجتينا!”.

أنا كنت ساكتة تماماً، حاسة إني في كابوس ونفسي أصحى منه. وفي اللحظة دي بالذات.. وسط صمت القاعة ونظرات الشك اللي بتاكلني من حماتي وأهله.. لقيت تليفوني في إيدي بيهتز.. الشاشة نورت باسم “هند”.

زي الغريق اللي اتعلق بقشاية، سبتهم وجريت بسرعة بعيد عن عيون الناس، وقفت ورا ستارة في جنب القاعة، وفتحت الخط وأنا بنهج وبصرخ بصوت مكتوم كله قهر: “أنتي فين يا هند؟! يا هند قلقتيني والناس هتاكل وشي والعريس وأمه قالبين الدنيا !! فين الشبكة؟!”.

سكتت ثانية مستنية أسمعها بتقولي أنا على الباب.. بس الجملة اللي هي قالتها في التليفون، عمري ما تخيلتها ولا في أسوأ كوابيسي.. جملة خلت دمي ينشف في عروقي ورجليا مبقيتش شيلاني ووقعت على الأرض من الصدمه !!!!!!

سمعت صوت هند وهي بتشهق من العياط، صوتها كان طالع بالعافية ومخنوق بالدموع، وقالتلي بنبرة هزت كياني كله: “نوال… إلحقيني يا نوال. .. الشبكة ضاعت! جوزي شافها معايا في الشنطة وافتكرني شايلاها من وراه ومخبية فلوس، أخذها مني غصب عني وراح باعها لتاجر دهب علشان يسدد ديونه.. أنا في المستشفى دلوقتي يا نوال وجوزي اتمسك والدهب راح!!”

في اللحظة دي، حيطة القاعة كلها لفت بيا. التليفون وقع من إيدي على الأرض، والشاشة اتكسرت زي قلبي اللي اتكسر مية حتة. رجليا مبقتش شيلاني، وسندت ضهري على الحيطة ونزلت لحد ما قعدت على الأرض، حاطة إيدي على راسي ومش قادرة أستوعب. جوايا كان فيه قلق كبير: “دهب بآلاف الجنيهات يضيع؟ خطوبتي بتبوظ؟ شكلي قدام إياد وأهله؟ أمي.. أمي هيجرالها إيه؟”

مفيش دقيقتين، ولقيت أمي وإياد داخلين ورا الستارة بلهفة. أمي وشها كان أصفر زي الليمونة، وأول ما شافتني قاعدة في الأرض بالمنظر ده، حطت إيدها على صدرها وقالت بصوت مكتوم: “يا خبر أبيض! مالك يا نوال؟ في إيه يا بنتي؟ فين الشبكة؟ الناس هتاكل وشنا برة”

2 من 2التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى