منوعات

م ارمله اخوه

سكت منصور ومالقاش رد، فكملت وهي بتبص له بعتاب كبير: “فاكرني اتجوزت عادل عشان فلوسه؟”.

 

قال بسرعة: “أنا ما قلتش كده”.

 

قالت وهي كاشفة اللي جواه: “بس ده اللي فاكره”.

 

وسكتت لحظة تاخد نفسها: “عادل كان بيحوش فلوسه عشاننا. وفي فترات كتير كان بياخد مصروفه مني”.

 

منصور بص لها باستغراب حقيقي: “منك؟”.

 

هزت راسها بتأكيد ووجع: “أيوه. أنا كنت بشتغل وكنت بصرف عليه لما كان محتاج. وعمره ما حسسني إني أقل منه ولا عمره حسسني إن الفلوس أهم مننا”.

 

عيني منصور اهتزت لأول مرة، صورة كارما في دماغه بدأت تتهز: “لكن الغضب غلبه وقال وهو بيحاول يرجع هيبته: إنتِ عارفة إنتِ بتكلمي مين؟”.

 

كارما بصت في عينيه مباشرة من غير خوف، نظرة مليانة دموع وكرامة: “عارفة”.

 

نزلت دمعة سخنة: “بكلم واحد ظلمني قبل ما يعرفني”.

 

صوتها انكسر تماما: “وده أوجعني أكتر من إنك تطلب مني أمشي”.

 

منصور سكت، الكلمة دخلت جواه بشكل ماكانش مستعد له، كلمة رشقت في قلبه: “ولأول مرة حس إنه يمكن يكون ظلمها فعلًا، لكنه قال بصرامة بيحاول يداري تأثره: اطلعي أوضتك دلوقتي”.

 

كارما مسحت دموعها بظهر إيدها بعناد طفولي موجوع: “مش عشان إنت كبير العيلة يبقى من حقك تكسرني”.

 

ولفت ومشيت بخطوات تقيلة وموجوعة: “منصور فضل واقف مكانه وأول مرة من سنين كلمة واحدة من ست فضلت ترن في دماغه طول الليل: ظلمتني قبل ما تعرفني”.

 

تاني يوم كارما صحيت متأخرة، كانت مرهقة وتقيلة: “كانت مرهقة جسمها كله تقيل من العياط وقلة النوم ودخلت المطبخ لقت التلاجة مليانة وفتحتها وطلعت بيضة بيد مرتعشة”.

 

وكان منصور قاعد على الترابيزة بيشرب شاي وبيراجع حسابات الأرض، أول ما شافها اتضايق: “رفع عينه لما شافها واتضايق وقال بنبرة حادة: إنتِ بتعملي إيه هنا؟”.

ردت بهدوء بتحاول تحافظ على ثباتها: “بفطر”.

 

قال باستنكار: “مين قالك تنزلي؟”.

 

قالت ببساطة: “محدش”.

 

وقشرت البيضة ببرود متعمد: “أنا مش طفلة”.

 

منصور ضغط على أسنانه وغضبه بيزيد من برودها: “أنا قلتلك ماتطلعيش”.

 

كارما بصتله بتحدي هادي: “وأنا قلتلك إني مش خدامة عندك”.

 

حس إن أعصابه بتشد وقلبه بيدق بسرعة من استفزازها: “إنتِ بتتعمدي تستفزيني؟”.

 

ابتسمت ابتسامة صغيرة عنيدة: “يمكن”.

 

سكت وبلع ريقه وبعدين قال وهو بيحاول يجرها لكلام الفلوس: “عادل كان عامل حسابات الأرض باسمك؟”.

 

كارما رفعت حاجبها باستغراب من سؤاله: “لأ”.

 

قال بحسم كأنه بيأمن نفسه: “يبقى الأرض مش من حقك”.

 

حطت البيضة في طبق بهدوء وثقة: “أنا مش طالبة أرض”.

 

منصور اتفاجئ من ردها: “أمال طالبة إيه؟”.

 

بصتله بوجع عميق وكرامة: “كرامتي”.

 

الجملة خلت منصور يسكت، حس إنها ضربته في مق/تل: “وبعد لحظة قالت بنبرة هادية بس موجوعة: أنا هاخد حق عادل القانوني ولو فيه فلوس تخصني هاخدها. بس أرض العيلة مش هدخل فيها”.

 

منصور لأول مرة بص لها باهتمام حقيقي، نظرة مختلفة: “كانت مختلفة عن الصورة اللي رسمها في دماغه، مش واحدة داخلة تاخد الأرض لكن واحدة عايزة تخرج من البيت من غير ما حد يكسرها، قال بهدوء أول مرة: طيب”.

 

كارما استغربت هدوءه: “طيب إيه؟”.

 

قال بنظرة ثابتة: “خدي وقتك”.

 

ومشي وسابها مستغربة: “كانت أول مرة تشوف منه تنازل ومش عارفة ليه قلبها دق بخفة غريبة”.

 

مرت أسابيع ومنصور ماكانش بيعترف لنفسه بحاجة، كان بيكابر: “لكن وجود كارما في البيت بدأ يغير تفاصيل يومه، كان يلمحها وهي قاعدة لوحدها ويسمع صوتها وهي بتتكلم مع فاطمة ويشوفها وهي بتضحك ضحكة صغيرة رغم حزنها”.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى