كريم فضل واقف قدام الباب مش مستوعب اللي حصل وفضل يخبط بعصبية
منى افتحي الباب حالًا
سارة كانت واقفة جنبي وبتحاول تكتم ضحكتها
بصيتلها وقلت بصوت واطي
استني بس لما يعرف هو واقف بره ليه
كريم زعق تاني
إنتي بتلعبي معايا؟ افتحي الباب
رديت بهدوء
مفيش لعب يا كريم إنت بنفسك قلتلي يا إما أسامحك يا إما أمشي
قال بعصبية
وأنا قلتلك إنتي اللي تمشي مش أنا
ضحكت من غير صوت وقلت
وده بالظبط اللي أنا عملته بس الفرق إني خليتك إنت اللي تمشي
سكت لحظة وبعدين قال
يعني إيه؟
قلت
يعني من النهارده الشقة دي مش هتكون مكانك
سمعته بيخبط بإيده على الباب
إنتي اتجننتي؟ دي شقتي
رديت على طول
لأ يا كريم دي شقتي وإنت عارف ده كويس
سارة قربت مني وقالت
خلاص يا منى كفاية عليه كده
لكن أنا كنت لسه عندي كلام كتير
فتحت الباب بس فتحة صغيرة
كريم كان واقف قدامي وشه متغير وعينيه مليانة غضب
بص على الكراتين اللي ورايا وقال
إيه ده؟
قلت
حاجتك
بصلي بذهول
حاجتي إيه؟
قلتله
كل حاجتك اللي كانت هنا
مد إيده يحاول يفتح الباب أكتر
إنتي مش من حقك تعملي كده
قفلت الباب في وشه تاني
وقلت من ورا الباب
الغريب إنك كنت فاكر إن من حقك تخوني وأنا أسامحك وكمان من حقك تطردني من بيتي
لكن لما جه الدور عليك بقيت بتتكلم عن الحقوق
سمعته بياخد نفس طويل
وبعدين صوته اتغير فجأة وبقى أهدى
منى افتحي بس ونتكلم
قلت
اتكلمنا كتير يا كريم
أنا عايز أصلح اللي حصل
سكت شوية وبعدين قال
أنا غلطت
الكلمة دي كانت أول مرة أسمعها منه من ساعة ما اكتشفت خيانته
لكن بدل ما تخليني أضعف حسيت إنها أكدتلي إني كنت صح
قلتله
إنت مش ندمان عشان خنتني
إنت ندمان عشان خسرت المكان اللي كنت فاكره مضمون
سكت
وبعد ثواني سمعت صوته بيقول
طيب هروح فين؟
بصيت لسارة
وبعدين بصيت للكراتين
وقلت
دي مش مشكلتي يا كريم
فجأة تليفوني رن
بصيت على الشاشة
رقم غريب
رديت
ألو؟
جالي صوت راجل من الناحية التانية
مدام منى أنا محتاج أقابلك ضروري قبل ما كريم يعرف إني كلمتك
اتجمدت مكاني
بصيت لسارة
مين حضرتك؟
قال
أنا الشخص الوحيد اللي يقدر يثبتلك إن اللي اكتشفتيه عن كريم لسه أول الحكاية
وقبل ما ألحق أسأله أي حاجة قفل الخط
بصيت للموبايل في إيدي وقلبي بدأ يدق بسرعة
سارة سألتني
مين ده؟
لكن قبل ما أرد سمعت كريم من ورا الباب بيقول
منى إنتي بتكلمي مين؟
رفعت عيني ناحية الباب
وساعتها فهمت إن الراجل الغريب ده كان عارف حاجة كريم نفسه كان مرعوب إنها توصلني
والأخطر من كده إن الرسالة اللي وصلتني بعدها بثواني كانت فيها صورة واحدة بس
صورة كريم
واقف جنب ندى
بس مش في الشغل…
كانوا واقفين قدام مكتب محامي
وتحت الصورة كانت فيه جملة واحدة خلت الدم يتجمد في عروقي
“لو عايزة تعرفي سبب خيانته الحقيقي تعالي بكرة الساعة عشرة ومتجيبيش معاكي حد”
فضلت باصة للصورة ومش عارفة أتكلم وسارة قربت مني وقالت
منى مالك؟
وريتها الموبايل
أول ما شافت الصورة وشها اتغير
هو كان بيعمل إيه عند المحامي؟
معرفش
وبعدين بصيت ناحية الباب وقلت
بس واضح إن موضوع ندى مش مجرد خيانة
كريم كان لسه واقف بره وبيخبط
منى افتحي نتكلم بالعقل
قربت من الباب وقلت
كريم إنت تعرف واحد اسمه سامح؟
سكت فجأة
الصمت اللي حصل كان كفاية يجاوبني
قلتله
مين سامح؟
رد بسرعة
معرفش حد بالاسم ده
ابتسمت رغم إن قلبي كان بيخبط
غريبة
ليه سكت لما سألتك؟
قال بعصبية
منى إنتي عايزة توصلي لإيه؟
قلت
أنا لسه معرفتش بس واضح إنك هتساعدني أعرف
سمعت خطواته بتبعد عن الباب
وبعد ثواني سمعت الأسانسير وهو بينزل
سارة بصتلي وقالت
هو مشي؟
قلت
آه
وبعدين بصيت للصورة تاني
الراجل اللي بعتها كان عايزني أقابله لوحدي
لكن أنا كنت عارفة إن الموضوع أكبر من مجرد خيانة
تاني يوم الساعة تسعة ونص كنت قاعدة في كافيه صغير في مصر الجديدة وسارة مصممة تيجي معايا رغم إني كنت وعدت الراجل إني هروح لوحدي
قالتلي
أنا مش هسيبك تروحي تقابلي واحد مجهول لوحدك
قلت
خليكي بعيدة بس لو حصل أي حاجة اتدخلي
الساعة عشرة بالظبط دخل راجل في الأربعينات وقعد قدامي
كان اسمه سامح
بصلي وقال
مدام منى أنا عارف إن اللي هقولهولك صعب
قلت
قول
حط قدامي ظرف بني
وقال
قبل ما تشوفي اللي جواه لازم تعرفي إن كريم كان بيرتب لحاجة من شهور
فتحت الظرف
لقيت صور ومستندات وتحويلات بنكية
قلبي بدأ يدق أسرع
قلت
إيه ده؟
قال
كريم مكنش بيخونك عشان ندى
بصيتله
أمال ليه؟
رد
عشان كان عايز يطلقك من غير ما يخرج من الجواز خسران حاجة
حسيت إني مش فاهمة
يعني إيه؟
قال
كان بيحاول يثبت إنك مهملة ومشغولة طول الوقت وإنك مش بتقومي بواجباتك الزوجية علشان يستخدم ده ضدك لو حصل انفصال
ضحكت بمرارة
كل ده عشان يخرج من الجواز؟
سامح هز راسه
مش بس كده
طلع ورقة وحطها قدامي
دي أخطر حاجة
مسكت الورقة وبدأت أقرأ
وفي أول سطر لقيت اسمي
وبعدين اسم كريم
وبعدين رقم شقتي
رفعت عيني بسرعة
إيه الورقة دي؟
قال
عقد بيع مبدئي
حسيت إن الدنيا لفت بيا
بيع إيه؟
قال بهدوء
شقتك
اتجمدت
قلت
إزاي؟ دي باسمي
قال
عارف
وبعدين قرب الورقة مني وقال
لكن كريم حاول يبيعها من غير علمك
بصيتله وأنا مش مستوعبة
ومين كان هيشتري؟
سامح سكت شوية
وبعدين قال
شركة عقارات مرتبطة بندى
ساعتها كل حاجة بدأت تركب في دماغي
الخيانة
ندى
المحامي
التحويلات
والضغط عليا إني أمشي من الشقة
كل ده مكانش صدفة
لكن قبل ما ألحق أسأل سامح عن أي حاجة تانية موبايلي رن
كان كريم
بصيت لسامح
ومردتش
رن تاني
وبعدين وصلتني رسالة
“لو قابلتي سامح يبقى إنتي اللي اخترتي النهاية”
فضلت باصة للرسالة وقلبي اتقبض
سامح لاحظ خوفي وقال
هو عرف إنك هنا؟
هزيت راسي
قال بسرعة
يبقى لازم تمشي دلوقتي
قلت
ليه؟
بصلي في عيني وقال
لأن كريم مش خايف إنك تعرفي إنه خانك
هو خايف إنك تعرفي هو كان عايز يعمل إيه بعد ما يخرجك من الشقة
سألته
كان عايز يعمل إيه؟
سامح فتح موبايله ووراني تسجيل صوتي
ضغط تشغيل
وفي التسجيل سمعت صوت كريم بوضوح
لو منى خرجت من الشقة الموضوع كله هيخلص
وبعدها صوت ندى رد عليه
وأبوها؟
كريم قال
أبوها هيتصرف فيه بعدين
إيدي بدأت ترتعش
بصيت لسامح وقلت
هو كان بيتكلم عن أبويا؟
سامح هز راسه
آه
بس دي مش أسوأ حاجة
سألته وأنا حاسة إن نفسي اتقطع
إيه الأسوأ؟
بصلي وقال
إن أبوكي مش أول شخص كريم حاول يسكتُه
وفي اللحظة دي موبايلي رن مرة تانية
المرة دي كانت مكالمة من رقم أبويا
رديت وأنا قلبي واقع
ألو يا بابا؟
لكن اللي رد عليا مكانش أبويا
كان صوت كريم
وقال جملة واحدة بس
منى لو عايزة أبوكي يرجعلك سالم
توقفي هنا وتنسي كل حاجة عرفتيها النهارده
إيدي اتجمدت على الموبايل أول ما سمعت صوت كريم وهو بيقول
منى لو عايزة أبوكي يرجعلك سالم تنسي كل اللي عرفتيه النهارده
بصيت لسامح ووشي اصفر
قلتله
إنت عملت إيه في أبويا؟
ضحك ضحكة باردة
أنا معملتش حاجة لحد دلوقتي بس الموضوع كله في إيدك
صرخت فيه
إنت مجنون؟ أبويا ماله بالموضوع؟
قال بمنتهى الهدوء
أبوكي عرف حاجات كتير عني وكان ناوي يواجهني بيها
سامح قرب مني وقال بصوت واطي
منى متسمعيش كلامه هو عايز يخوفك
كريم سمعه وقال
سامح لو تدخلت تاني هتكون أول واحد يندم
وبعدين قفل
فضلت ماسكة الموبايل وأنا مش قادرة أتكلم
سامح قال
لازم نتصرف بسرعة
سألته
نعمل إيه؟
قال
نروح لأبوكي
خرجنا من الكافيه وأنا حاسة إن كل خطوة بتقربني من مصيبة أكبر
وصلنا البيت
خبطت على الباب
مفيش رد
خبطت تاني
بابا افتح أنا منى
الباب كان موارب
دفعت الباب بإيدي ودخلت
البيت كان هادي بشكل يخوف
ناديته
بابا؟
مفيش رد
دخلت الصالة ولقيت الكوباية بتاعته واقعة على الأرض والموبايل مرمي جنب الكنبة
قلبي وقع
جريت على أوضة النوم
السرير كان متبهدل
والدولاب مفتوح
لكن مفيش أي أثر ليه
سارة كانت اتصلت بيا كذا مرة وأنا مردتش عليها
سامح قال
دوري على أي حاجة ممكن يكون سايبها
بدأت أفتش وأنا بحاول أتماسك
فتحت درج مكتبه
لقيت ظرف صغير مكتوب عليه اسمي
إيدي كانت بتترعش وأنا بفتحه
جواه ورقة واحدة
“منى لو إنتي بتقري الكلام ده يبقى كريم وصل للي كان خايف منه”
حسيت إن نفسي اتقطع
كملت القراءة
“متثقيش في أي حد حواليكي حتى اللي بيقول إنه بيساعدك”
بصيت لسامح
هو لاحظ نظرتي وقال
هو كان يقصدني؟
قلت
معرفش
لكن في آخر الورقة كان فيه عنوان ومفتاح صغير
سألته
المكان ده فين؟
بص على العنوان واتغير وشه
قلت
إنت تعرفه؟
قال بعد تردد
ده مخزن قديم في شبرا
ليه بابا سايبلي مفتاحه؟
سامح مردش
قلتله
إنت كنت تعرف إن أبويا عنده المكان ده؟
قال
كنت عارف إنه بيخزن فيه مستندات قديمة
سألته
مستندات عن إيه؟
قال
عن كريم
سكتنا إحنا الاتنين
وفجأة سمعنا صوت عربية وقفت تحت البيت
بص سامح من الشباك
مقالات ذات صلة
حبيب القلب
منذ 5 ساعات
د تجمدت في عيوني
منذ 9 ساعات
د جنينه الفيلا
منذ 9 ساعات
د الجده سحبتني من ايدي
منذ 9 ساعات
وقال
إحنا لازم نمشي
قلت
ليه؟
قال
عربية كريم
قلبي دق بسرعة
إزاي عرف إحنا هنا؟
سامح شدني من إيدي وقال
مش مهم دلوقتي
نزلنا من الباب الخلفي ووصلنا لشارع جانبي
ركبنا عربيته
وأول ما اتحركنا موبايلي رن
قم مجهول
رديت
جالي صوت ست
منى أنا ندى
سكت
قالت بسرعة
أنا عارفة إن كريم قالك إني السبب في كل اللي حصل
قلت
إنتي مش السبب؟
قالت
لأ
أنا كنت بحاول أساعدك
ضحكت بسخرية
تساعديني وإنتي على علاقة بجوزي؟
قالت
كريم كان بيستغلني علشان يقرب منك ومن شقتك
سألتها
يعني إيه؟
قالت
هو كان محتاج توقيعك على ورق من غير ما تعرفي حقيقته
قلت
أي ورق؟
سكتت لحظة وقالت
ورق نقل ملكية الشقة
قلبي وقع
قلت
إنتي عرفتي منين؟
قالت
لأني أنا اللي رفضت أوقع
وبعدين قالت جملة خلتني أسكت تمامًا
كريم مكنش لوحده في الخطة
سألتها
مين معاه؟
قالت
شخص قريب منك جدًا
وفجأة سمعت صوت خبطة جامدة في العربية
سامح فرمل مرة واحدة
بصينا ورا
عربية سوداء كانت بتطاردنا
ندى صرخت في التليفون
منى اقفلي حالًا
هو عرف إنك عرفتي
وقبل ما المكالمة تتقفل سمعتها تقول
والشخص اللي خانك مش كريم…
المكالمة اتقطعت
بصيت لسامح وقلت
