الدكتورة فضلت ساكتة وهي بتبص في الورق كأنها مش عارفة تبدأ كلامها منين
قربت منها وقلتلها
في إيه يا دكتورة؟ وفاء مالها؟
بصت ناحية وفاء اللي كانت نايمة على السرير وبعدين رجعت بصتلي
إحنا لقينا حاجة في التحاليل محتاجة نتأكد منها قبل ما نقول أي حاجة
قلبي بدأ يدق بسرعة
حاجة إيه؟
الدكتورة قعدت قدامي وقالت بهدوء
وفاء عندها علامات واضحة على سوء تغذية شديد وجفاف وإجهاد في الجسم وكمان في إصابات قديمة وحديثة مش كلها حصلت في نفس الوقت
حطيت إيدي على بوقي
يعني إيه؟
يعني اللي حصل مش موقف واحد يا مدام هناء
بصيت لوفاء وأنا مش قادرة أصدق
سألتها
طيب والحاجة التانية اللي في التحليل؟
الدكتورة اتنهدت
في نتيجة ظهرت وعايزين نعيد التحليل عشان نتأكد منها الأول
قبل ما أكمل معاها سمعت صوت وفاء من السرير
ماما هناء…
جريت عليها
أنا هنا يا حبيبتي
فتحت عينيها بالعافية وقالت
ماتخليش ياسين يعرف إنك عرفتي
اتجمدت مكاني
ليه؟
بدأت دموعها تنزل
عشان لو عرف إنك عارفة هيعمل فيا أكتر
حسيت إني فقدت القدرة على الكلام
مسكت إيدها وقلتلها
خلاص يا وفاء إنتي في أمان دلوقتي
هزت راسها بخوف
لأ يا ماما
إنتي مش فاهمة
سألتها
مش فاهمة إيه؟
بصتلي وقالت بصوت ضعيف
ياسين مش هو اللي بدأ كل حاجة
اتصدمت
يعني إيه؟
قبل ما تجاوب سمعت خبط على باب الغرفة
دخلت المحامية اللي اتصلت بيها
بصتلي وقالت
مدام هناء لازم نتصرف بسرعة لأن الموضوع أكبر من مجرد اعتداء
بصيتلها باستغراب
أكبر إزاي؟
فتحت شنطتها وطلعت ورقة وحطتها قدامي
وقالت
أنا راجعت الصور اللي بعتّيها لي
وبعدها أشارت لصورة القفل
القفل ده اتغير قريب
قلت لها
يعني إيه؟
قالت
يعني غالبًا وفاء ماكانتش محبوسة هنا من يوم ولا يومين
سألتها
أمال من إمتى؟
قبل ما ترد دخلت الدكتورة تاني وهي ماسكة نتيجة التحليل الجديد
بصتلي وبعدين بصت للمحامية وقالت
النتيجة اتأكدت
حسيت إن نفسي اتقطع
إيه النتيجة؟
الدكتورة قربت مني وقالت بصوت واطي
وفاء حامل
سكتنا كلنا
بصيت ناحية السرير
وفاء كانت مغمضة عينيها لكن دموعها كانت بتنزل
قلت بصوت مرتعش
حامل؟
الدكتورة هزت راسها
أيوه
قربت من وفاء ومسكت إيدها
لكنها فتحت عينيها فجأة وقالت جملة خلتني أحس إن الحكاية لسه في أولها
أنا مش عارفة الطفل ده ابن مين يا ماما…
اتجمدت مكاني أول ما سمعت كلام وفاء
بصيت للدكتورة وبعدين للمحامية وبعدها رجعت لوفاء
إنتي بتقولي إيه يا بنتي؟
وفاء كانت بتبكي ومش قادرة تبص في عيني
قالت بصوت متقطع
أنا مش عارفة يا ماما هناء
قربت منها ومسكت إيدها
طيب اهدي واحكيلي من الأول
وفاء بلعت ريقها وقالت
من بعد ما اتجوزت ياسين وهو اتغير واحدة واحدة في الأول كان كويس معايا وكان بيخرجني وبيشتريلي اللي محتاجاه لكن بعد كام شهر بدأ يتحكم في كل حاجة
سكتت لحظة وبعدين كملت
كان بياخد موبايلي ويفتش في كل حاجة وبيمنعني أكلم أهلي وبعدها منعني أخرج لوحدي ولما كنت بسأله ليه كان بيقولي إنتي مراتي وأنا أعمل اللي أنا عايزه
المحامية كانت بتكتب كل كلمة
سألتها
والحظيرة؟
وفاء بدأت ترتعش
دي كانت آخر مرحلة
إزاي؟
قالت
